Lýdomanıa dıagnozyn qoıý ońaı bolǵanymen, ony emdeý óte qıyn
QR Densaýlyq saqtaý mınıstrliginiń «Respýblıkalyq psıhıkalyq densaýlyq ǵylymı-praktıkalyq ortalyǵy» Halyqaralyq yntymaqtastyq jáne qoǵammen baılanys bóliminiń basshysy Rınat Muzafarov Almaty qalasynyń Óńirlik komýnıkasıalar qyzmetiniń alańynda oıynǵa táýeldiliktiń aldyn alý jáne onyń saldary týraly aıtyp berdi, dep habarlaıdy almaty-akshamy.kz
Sarapshynyń aıtýynsha, lýdomanıa dıagnozymen 10-ǵa jýyq adam esepke tirkelgen. Esepke aýyr, sozylmaly, aýrýy asqynǵan adamdar alynatyny atap ta ótti. Ortalyqqa adam ózi júgingen jaǵdaıda, esepte turmasa da, kómek kórsetiletinin atap ótti.
"Eger adam qumarlyqqa batpaı oınap júrgen bolsa, onda biz ony esepke ala almaımyz. Esepke alý úshin onyń táýeldiligi bolýy kerek jáne jaǵymsyz saldar oryn alýy qajet. Barlyq kómekti kórsetý úshin bizde ınfraqurylym da, mamandar da bar. Alaıda, adamdar osy baǵytta kómek alý úshin memlekettik uıymdarǵa júgine bermeıdi", - dep atap ótti QR DSM "Respýblıkalyq psıhıkalyq densaýlyq ǵylymı-praktıkalyq ortalyǵy" Halyqaralyq yntymaqtastyq jáne qoǵammen baılanys bóliminiń basshysy Rınat Mýzafarov.
R. Mýzafarovtyń aıtýynsha táýeldilik hımıalyq jáne hımıalyq emes bolyp ekige bólinedi. Eger birinshisine alkogolızm, nashaqorlyq pen toksıkomanıa kirse, ekinshi sanatqa lýdomanıa jatady.
"Lýdomanıa dıagnozyn qoıý ońaı bolǵanymen, ony emdeý óte qıyn. Munyń bári adamnyń oıynǵa qansha ýaqyt bólgenine baılanysty. Ádette, adamnyń ózi bastapqyda táýeldi bolyp qalǵanyn bilmeı qalady. Qumar oıyndarǵa beıimdilik bastapqyda jeńil jolmen paıda tabý nıetinde bastalyp, odan emosıonaldy baılanyp, keıin tolyǵymen táýeldi bolyp qalady. Kóp jaǵdaıda, qumar oıyn oınaıtyn adam qoǵamnan alystap ketpeıinshe, týystary da, dostary da qatty dabyl qaǵa qoımaıdy", - dedi spıker.
Lýdomandar qaryzǵa aqsha alyp, otbasy men jaqyndaryn tartyp, qaryzǵa belshesinen batyp jatady.
"Táýeldilikti oqshaýlaý arqyly emdeý kerek. Jalǵyz aıyrmashylyǵy, bul jaǵdaıda nashaqorlyqpen aýyratyn naýqastar sıaqty hımıalyq detoksıkasıa qajet emes. Munda psıho-áleýmettik ońaltý júrgizý qajet. Eń bastysy, adam táýeldiliksiz ómir súrýdi úırenýi kerek. Iaǵnı, táýeldiliktiń ornyna ol ary qaraı óz ómirine beıimdeıtin basqa da jaǵdaılardy usyný qajet", - dep qorytyndylady R. Muzafarov.