Bıyl UBT tapsyratyndardyń 75 paıyzy qazaq tilinde testiden ótýge ótinish berdi.
Bul týraly QR Ǵylym jáne joǵary bilim vıse-mınıstri Qýanysh Erǵalıev málim etti, dep habarlaıdy Almaty-akshamy.kz.
«Test tapsyrý tiline qatysty toqtalsaq, túlekterdiń 75 paıyzy qazaq tilinde, 25 paıyzy orys tilinde, 243 adam (0,14%) aǵylshyn tilinde testiden ótýge ótinish bildirdi.
Bıyl test formatynda ózgeris joq. Pán sany ózgerissiz qalady, ıaǵnı úsh mindetti jáne eki beıindik pán qamtylǵan. Barlyǵy 120 test suraǵy bolady. Eń joǵary upaı – 140. Testileýdiń jalpy ýaqyty 4 saǵatqa jalǵasady», - dedi Q.Erǵalıev Ortalyq komýnıkasıalar qyzmetindegi baspasóz máslıhatynda.
«Erekshe bilim berý qajettilikteri bar talapkerlerdiń test tapsyrýyna qolaıly jaǵdaı qarastyrylǵan. Máselen, olar UBT tapsyrý úshin qosymsha 40 mınýtqa ýaqyt beriledi. Osy sanattaǵy azamattar úshin syzba jáne dıagramlarsyz suraqtar jasaldy», - dedi vıse-mınıstr.
18 mamyrda osy jyldaǵy negizgi UBT bastaldy jáne ol 5 shildege deıin jalǵasady.