Prezıdent bír palataly Parlamentke kóshu máselesín talqylaudy ūsyndy. Būl – asa mańyzdy taqyryp, óıtkení 1995 jyly qūrylǵan Senat táuelsíz Qazaqstannyń qalyptasu kezeńínde tūraqtylyqty qamtamasyz etude eleulí ról atqardy. Búgíngí tańda: qazírgí jaǵdaıǵa qaı úlgí kóbírek sáıkes keledí degen sūraq tuyndaıdy.
Álemdík tájírıbe ártúrlí joldardy kórsetedí. Federatıvtík memleketterde (AQSh, Germanıya, Reseı) joǵarǵy palata óńírlerdíń múddesín bíldíru úshín qajet. Máselen, AQSh-ta Senat ár shtatqa teń qūqyq beredí, al Germanıyada Bundesrat jerlerdíń múddesín qorǵaıdy.
Al unıtarlyq memleketterde, sonyń íshínde Qazaqstanda, kóbíne bír palataly júıe qoldanylady. Mysaly, Shvetsıya, Fınlyandıya, Vengrıya, Jańa Zelandıya elderínde osyndaı úlgí bar. Būl júıe ashyqtyqqa, tıímdílíkke jáne partıyalyq júıeníń damuyna basymdyq beredí.
Būl bastama Qazaqstannyń sayası jańǵyruynyń jańa kezeńín aıqyndaıdy. Ol sayası partıyalardyń rólín kúsheıtedí, ádíl básekelestíkke jol ashady jáne qoǵamnyń sheshím qabyldau úderísíne tíkeleı qatysuyna múmkíndík beredí.
Eń bastysy, másele 2027 jyly jalpyūlttyq referendumǵa shyǵarylatyn bolady. Būl qaǵıdaǵa saı: el taǵdyryn aıqyndaıtyn reformalar halyqtyń qatysuymen ǵana qabyldanady.
Osylaısha, ūsynylǵan ózgeríster qoǵam senímín arttyryp, memlekettík ınstıtuttardy nyǵaıtatyn zamanauı árí tıímdí sayası júıege jol ashady. Būl – Ádílettí árí Quatty Qazaqstandy qūru jolyndaǵy mańyzdy qadam.