Bıyl Almaty turǵyndary men qonaqtary Naýryz meıramyn keń kólemde toılaıdy, qaladay is-sharalarda dástúr men jańashyldyq úılesim tabady, dep habarlaıdy
Ashyq aspan astyndaǵy aýqymdy konsertter, sporttyq jarystar, jármeńkeler men túrli is-sharalar «Kóktóbe» saıabaǵynda, Abaı alańynda, Panfılov jaıaý júrginshiler kóshesinde, Arbatta jáne Astana alańynda ótedi. Sonymen qatar, merekelik is-sharalar shahardyń barlyq aýdanynda uıymdastyrylady. Qala teatrlary men sırk qaıyrymdylyq qoıylym usynsa, iri konsert zaldarynda qazaqstandyq jáne sheteldik juldyzdar óner kórsetedi. Jalpy, Almatyda Naýryznama aıasynda 100-den astam is-shara ótedi.
Astana alańy
21 naýryz kúni saǵat 11:00-de Astana alańynda «Almaty – Naýryz qushaǵynda» atty negizgi saltanatty konsert ótedi. Sahnada áıgili «Dos-Muqasan» ansambli, Maıra Muhamedqyzy, Janar Aıjanova, Ómirqul Aınıazov, Jazıra Baıyrbekova, Igor Blagorodnyı, Tólegen Rahymbaev, «KeshYou» toby, Dınaıa, AyaFunk jáne basqa da artıser óner kórsetedi.
«Alataý» dástúrli óner teatrynyń jáne «Jańa ǵasyr» teatrynyń artıser, «Almaty áýenderiniń» solıseri, «Sazgen sazy» fólklorly-etnografıalyq ansambli de konserttik baǵdarlama usynady.
Sonymen qatar, 21-22 naýryz kúnderi saǵat 18:00-de osy alańda tanymal ánshiler qatysatyn eki kúndik Juldyzdy Almaty keshki festıvali ótedi.
Astana alańynda sporttyq oıyndar, qolóner jármeńkesi jáne otbasy múshelerimen qatysyp, qyzyqtaıtyn basqa da is-sharalar uıymdastyrylady. Munda merekelik kóńil-kúı syılaıtyn túrli fotozonalar men art-nysandar da ornatylady.
Abaı alańy
21-25 naýryz kúnderi saǵat 10:00-den 16:00-ge deıin Abaı alańynda mádenı mura men zamanaýı tehnologıany biriktiretin NauryzFest festıvali ótedi.
Respýblıka saraıynyń aldynda erekshe bezendirilgen kıiz úıler tigiledi. «Rýhanı mura» kıiz úıinde Abaı, Jambyl jáne Dına oınaǵan mýzykalyq aspaptardyń kóshirmesi qoıylyp, konsert ótedi. «Almatyǵa saıahat» kıiz úıinde qonaqtar qalanyń kórikti jerlerin vırtýaldy formatta tamashalaı alady. Sondaı-aq, sheber Marat Beksultanovtyń qolynan shyqqan nebári 20 mınýt ishinde qurastyrýǵa bolatyn «Inovasıalyq kıiz úı» ornatylady.
Abaı alańynda altybaqan ornatylady, ulttyq oıyndar men túrli jarystar ótkizedi. Sondaı-aq Abaı Qunanbaıulynyń 180 jyldyǵyna arnalǵan art-nysandar da boı kóteredi. 21-22 naýryz kúnderi keshki ýaqytta alańda belgili ánshiler konsert qoıady.
Festıvál aıasynda birneshe kún boıy aýqymdy qolóner jármeńkesi jumys isteıdi. Qonaqtar aǵash oıý, zergerlik buıym jasaý, bylǵary óńdeý jáne kıiz basý ónerin tamashalaı alady. Kıiz úılerde sheberlik dáristeri uıymdastyrylyp, qonaqtar toqyma toqý, ulttyq oıý-órnekpen áshekeı buıym daıyndaý jáne qazaqtyń dástúrli mýzykalyq aspaptaryn jasaý ónerin úırene alady.
Robottar, kınetıkalyq týnel jáne vırtýaldy avatar
Panfılov jaıaý júrginshiler kóshesi (Qabanbaı batyr kóshesinen Tóle bı kóshesine deıin) zamanaýı tehnologıa men mádenı keńistikke aınalady. Kireberiste erekshe áser beretin LED-ekrandy arka ornatylady, al Ǵalymjan atty vırtýaldy avatar merekelik baǵdarlama týraly aıtyp beredi.
Munda halyq mýltımedıalyq qondyrǵy arqyly ózin ulttyq kıim kıip turǵandaı kóredi, sıfrlyq sýburqaqta júrekjardy lebizin joldap, VR arqyly ejelgi dáýirge saıahat jasap, sadaq atý saıysyna qatysady, vırtýaldy shaıqasty tamashalaıdy jáne Naýryz meıramynyń tarıhyna úńiledi.
Bul alańda kınetıkalyq týnel ornatylyp, onda ulttyq oıý-órnekter qonaqtardyń qımylyna saı qozǵalady. Gastronomıalyq aımaqta robot daıashylar, aspazdar men barıstalar jumys isteıdi, al ıntellektýaldyq «Oı-Dýman» oıyny almatylyqtar men qonaqtardyń Naýryz týraly bilimin teksererýge múmkindik beredi. Panfılov kóshesinde «ǵaryshtyq kıiz úı», qaıta óńdelgen materıaldardan jasalǵan art-ınstallásıalar men qazaqstandyq ınjenerler ázirlegen robototehnıka kórmesi jumys isteıtin bolady. Bul alań 21 jáne 22 naýryzd jumys isteıdi.
Kitap jármeńkesi, jazýshylarmen kezdesýler jáne ulttyq oıyndar
21-25 naýryz kúnderi Almatynyń Arbatynda «Naýryz toıy – merekem, salt-dástúrim – berekem» atty iri kitap jármeńkesi ótedi. Qonaqtar jazýshylarmen, pýblısısermen kezdesip, aqyndar men dástúrli óner sheberleriniń ónerin tamashalaı alady. Jaıaý júrginshiler aımaǵynyń ortasynda shatyr ornatylyp, sheberlik dáristeri, ulttyq oıyndar boıynsha týrnırler jáne kórsetilimder uıymdastyrylady.
Abaıdyń ánderin 5000 adam hormen oryndaıdy
22 naýryz saǵat 9:30-da Almatyda Naýryz meıramy men uly Abaı Qunanbaevtyń 180 jyldyǵyna oraı aqynnyń ánderin oryndaý boıynsha aýqymdy hor performansy ótedi. Oǵan belgili solıser, B.Baıqadamov atyndaǵy memlekettik hor kapelasynyń artıseri, mýzykalyq oqý oryndarynyń stýdentteri jáne qala turǵyndary, jalpy sany 5 mynan asatyn almatylyq qatysady. Olar Abaı dańǵyly boıynda jınalyp, «Kózimniń qarasy», «Jelsiz túnde jaryq aı» jáne «Aıttym sálem, Qalamqas» ánderin oryndaıdy. İs-shara Abaı dańǵyly boıynda (Nazarbaev pen Dostyq dańǵyldarynyń arasynda) ótedi.
Bul performans jańarý men birliktiń sımvolyna aınalyp, qalany ulttyq mura rýhyna bóleıdi. Myńdaǵan qatysýshynyń daýysy úılesim taýyp, qazaq mádenıetiniń rýhanı qýatyn beıneleıtin erekshe mýzykalyq týyndy týdyrady. Bul is-shara Rekordtar kitabyna enýi múmkin.
Almatyda Nauryz Fashion Day ótedi
18 naýryz kúni Almatyda saǵat 14:30-da Naýryznama onkúndigi aıasynda Ulttyq kıimder kúnine arnalǵan Nauryz Fashion Day aýqymdy sán kórsetilimi ótedi. Qyzyl kilemnen júrip ótetin modelder arasynda «Álemdi tańqaldyrǵan qazaq ájeleri» jobasynyń qatysýshylary, «Mıss Qazaqstan» jobasynyń jeńimpazdary bolady, sondaı-aq is-sharaǵa AtelierRaushan atelesi men Aida KaumeNOVA sán úıi qatysyp, ulttyq stıldegi ádemi toptamalaryn kórsetedi.
Aıta keteıik, Nauryz Fashion Day-ge qatysýshy modelderdiń arasynda buǵan deıin Italıanyń Mılan qalasynda ótken sán aptalyǵynda óner kórsetken, endi Nú-Iork pen Parıjdegi Fashion Week-ke qatysýdy josparlap otyrǵan, qazaq ulttyq kıimderin álem elderinde dáripteýshi apalar bar.
Sondaı-aq, uıymdastyrýshylar barsha qala turǵyndaryn atalmysh is-sharana tamashalaý úshin etnostılde kıinip kelýge shaqyrady. Sol arqyly Naýryznama aıasynda Ulttyq kıimder kúnin qoldap, Nauryz Fashion Day-diń qatysýshysy bolýǵa múmkindik bar.
Ótetin orny: Jibek joly kóshesi, Arbat
Túrki áleminiń tanymal juldyzdary
Túrkitildes elderdiń belgili artıseri almatylyqtar men shahar qonaqtaryn Naýryz meıramymen quttyqtaıdy. 22 naýryz kúni saǵat 20:00-de «Almaty Arena» sahnasynda «Túrki áleminiń mega juldyzdary» konserti ótedi. Oǵan Sadraddin, Mustafa Sandal, Roza Zergerli, Alekseı Chýmakov, Burak Özçivit jáne «Tynda Music» orkestri qatysady.
20-25 naýryz aralyǵynda metro beketterde mýzykalyq performanstar men mýzeı kórmeleri ótedi.
Sondaı-aq, qalada Naýryznama kúntizbesindegi ár kúnniń ıdeologıasy men mánin kórsetetin birqatar taqyryptyq is-shara ótedi. Baǵdarlamada senbilikter, qaıyrymdylyq aksıalary, qoıylymdar, oıyndar jáne túrli is-shara bar. Tolyq keste Almaty qalasy ákimdiginiń saıtynda jarıalanǵan.