Almatyda Naýryz meıramyna arnalǵan merekelik sharalardy uıymdastyrý jáne ótkizý aıasynda kólik qozǵalysyna ýaqytsha shekteýler engiziledi.
Osylaısha, 19-23 naýryz aralyǵynda Tóle bı kóshesiniń Nazarbaev dańǵylynan Abylaı han kóshesine deıingi bóligi jabylady.
Osyǵan baılanysty atalǵan kezeńde 10 qoǵamdyq kólik baǵytynyń qozǵalys syzbasyna ózgerister engizildi.
Bul №16, 37, 48, 126, 201, 205, 206, 209, 210 jáne 224 nómirli marshrýttar. Astana alańyn shyǵys baǵytta aınalyp ótý Qabanbaı batyr kóshesi arqyly, al batys baǵytta Bógenbaı batyr kóshesi arqyly júzege asyrylady. Sonymen qatar, №16 jáne №126 marshrýttary kórsetilgen ýchaskeni Gogol kóshesi arqyly aınalyp ótedi.
Buǵan qosa, 22 naýryz kúni saǵat 6:00-den 11:30-ǵa deıin Nazarbaev dańǵylynan Dostyq dańǵylyna deıingi Abaı dańǵyly ýaqytsha jabylady.
Osy shekteýlerdi eskere otyryp, jol baǵytyńyzdy aldyn ala josparlaýdy jáne balama baǵyttardy tańdaýdy suraımyz.