Almatynyń ákimshilik polısıasy mopedti tirkeý naýqany bastalǵaly beri myńnan astam moped qoldanýshysynyń bul prosedýrany oryndaǵanyn habarlady.
Olar kólik quralynyń tirkeý nómirin, tehnıkalyq tólqujatyn aldy jáne basqa da jol qozǵalysy qatysýshylary sıaqty zańdy jaýapkershilikke tartylady, dep habarlaıdy aqshamnews.kz Polisia.kz-ke silteme jasap.
– Sonymen qatar moped júrgizýshileriniń A1 júrgizýshi sanaty bolýy kerek ekenin eske salamyz. Osy jyldyń 5 sáýirinen bastap mopedterdi mehanıkalyq kólikterge teńestiretin zańnamalyq túzetýler kúshine enedi. Osy kúnnen bastap mopedterdi polısıada tirkelgennen keıin jáne tıisti júrgizýshi kýáligi bolǵannan keıin ǵana paıdalanýǵa ruqsat etiledi, - dedi Almaty qalalyq PD ákimshilik polısıa basqarmasy Prosesıng ortalyǵynyń basshysy Aıdyn Merkimbaev.
Osy jyldyń 5 sáýirinen keıin ýákiletti organda tirkeýden ótpegen jáne “A1” sanatty júrgizýshi kýáliginsiz mopedti basqarǵan moped júrgizýshileri QR ÁQBtK-niń 590-babynyń 2-bóligi, 590-babynyń 2-1-bóligi, 612-baby jáne 797-baby boıynsha ákimshilik jaýapkershilikke tartylatynyn jáne moped mamandandyrylǵan aıyppul turaǵyna qoıylatynyn eske saldy. Jaza: 10 AEK, 20 AEK kóleminde aıyppul salý nemese 1 jyl merzimge kólik quraldaryn basqarý quqyǵynan aıyrý.