Almaty qalasynda «Birneshe nomınasıalar boıynsha din salasynyń ózekti máseleleri týraly úzdik materıaldardy (maqalalar, rolıkter jáne t.b.) daıyndaý boıynsha shyǵarmashylyq baıqaýyna» qatysty arnaıy baspasóz konferensıa ótti.
Baıqaýdy uıymdastyrýdaǵy maqsat – jurt nazaryn din salasyndaǵy memlekettik saıasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saıasattyń mańyzdy baǵyttary men ekstremıstik jáne radıkaldy dinı aǵymdar ıdeologıasynyń zıandylyǵynan habardar etý. Jýrnalıser men BAQ-ty, sondaı-aq din salasyndaǵy ózekti máseleler boıynsha materıaldar jarıalaıtyn basqa da azamattardy qoldaý.
Baıqaý kelesi nomınasıalar boıynsha ótkiziledi: «Úzdik pikir», «Áleýmettik jelilerdegi úzdik taqyryptyq post», «Úzdik motıvasıalyq sóz jáne úndeý», «Internet-resýrsta qazaq tilindegi úzdik maqala», «Internet-resýrsta orys tilindegi úzdik maqala», «Instagram áleýmettik jelisindegi úzdik beınerolık», «Tıktok áleýmettik jelisindegi úzdik beınerolık».
Atalǵan 7 nomınasıa boıynsha jalpy júlde qory 3 150 000 teńgeni quraıdy.
Atalǵan baıqaýdy Almaty qalasy Din isteri jónindegi basqarmasynyń tapsyrysy boıynsha «Jaýhar» ulttyq salt-dástúrdi qoldaý qory» qoǵamdyq qory jaǵynan uıymdastyrylyp jatqanyn aıta keteıik. Konferensıa barysynda baıqaýdyń uıymdastyrylýy men sharttary jaıly tolyqqandy aqparat aıtyldy.
– Bul baıqaý ár jyly dástúrli túrde ótkizilip keledi. Ótinimder men materıaldar osy jyldyń 1 qazanyna deıin joldasańyz bolady. Bizder óz tarapymyzdan bul baıqaýdy qatarynan úsh márte uıymdastyryp kelemiz, – dedi «Jaýhar» qoǵamdyq qory dırektory Nurıslam ORAZALYULY.