Almaty – mýzeı qyzmetkerlerin álemniń jetekshi mádenı ortalyqtaryna oqýǵa jiberip, taǵylymdamadan ótýge jáne shetelde kórmeler uıymdastyrýǵa múmkindik jasaıtyn Qazaqstandaǵy jalǵyz qala.
Almaty ákimdiginiń qoldaýymen murajaı salasynyń qyzmetkerleri Fransıada (Parıj, Lývr), Ońtústik Koreıada (Seýl), Sıngapýrda, Túrkıada (Stambýl), Italıada (Neapol), Aýstrıada (Vena), Ázirbaıjanda (Baký), Chehıada (Praga) jáne basqa elderde ózderiniń kásibı daǵdylaryn jetildirdi. Bul almatylyq mýzeıtanýshylarǵa álemdik ozyq tájirıbelerdi qabyldaýǵa jáne olardy mádenı murany saqtaý men dáripteý úshin qoldanýǵa múmkindik beredi.
Almaty ákimdigi murajaı qyzmetkerleriniń eńbek jaǵdaılaryn jaqsartýǵa da kóp kóńil bóledi. 2023 jyly qala ákiminiń bastamasymen murajaı qyzmetkerleriniń aı saıynǵy eńbekaqysy jergilikti búdjet esebinen 30%-ǵa ulǵaıtyldy. Budan basqa, qyzmetkerlerdiń jalaqysy jyl saıyn respýblıkalyq búdjet esebinen 18%-ǵa artýda. Sondaı-aq, saladaǵy 30 jas qyzmetker «Almaty jastary» qalalyq baǵdarlamasy aıasynda úı alyp, qonys toıyn atap ótti.
Sońǵy eki jylda Almaty murajaılary birlestigi Ońtústik Koreıa, Túrkıa, Italıa, Aýstrıa, Chehıa, Vengrıa jáne Serbıada 9 halyqaralyq kórme uıymdastyrdy. Bul jobalar qazaqstandyq mádenı murany shetelde tanymal etýge yqpal etedi jáne álemdik mádenı qoǵamdastyqpen baılanysty nyǵaıtady.
Jergilikti deńgeıde murajaılardyń qyzmeti de belsendi damyp keledi: 2024 jyly 83 kórme jáne ártúrli formattaǵy 257 is-shara, sonyń ishinde semınarlar, sheberlik synyptary jáne mádenıet qaıratkerlerimen kezdesýler ótti.
Almaty murajaılary birlestigi koleksıalardy saqtaý jáne tolyqtyrý boıynsha belsendi jumysyn jalǵastyrýda. Qazirgi ýaqytta qorda 66 220 eksponat bar, onyń 94%-y sıfrlandyrylǵan. 2024 jyly koleksıaǵa taǵy 427 erekshe eksponat qosyldy. Sıfrlandyrý artefaktilerdi uzaq merzimdi saqtaýǵa jáne olardyń zertteýshiler men kelýshilerge qoljetimdiligin arttyrýǵa yqpal etedi.
Jalpy qyzmetkerlerdiń biliktiligin únemi arttyrý, olardy qarjylaı qoldaý jáne qolaıly eńbek jaǵdaılaryn jasaý murajaı isin nyǵaıtýǵa jáne qalanyń mádenı salasyn damytýǵa yqpal etedi.