10 aqpanǵa deıin jalǵasady.
167 myńǵa jýyq adam UBT-ǵa qatysýǵa ótinish berdi, dep habarlaıdy aqshamnews.kz
Olardyń 76,7%-y qazaq tilinde, 23,2%-y orys tilinde, 142 adam aǵylshyn tilinde testileýden ótýge ótinish bildirdi.
"Talapkerler ótinish berý barysynda testileý kúnin, ýaqytyn jáne pýnktin ózderi tańdady. Testileýdiń birinshi kúni elimiz boıynsha 2277 adam, onyń ishinde elordada 155 talapker UBT tapsyrady. Eń kóp tańdalatyn beıindik pánder kombınasıasy birneshe jyl qatarynan ózgerissiz qalyp otyr", - dedi Saıasat Nurbek.
Onyń aıtýynsha talapkerlerdiń 17,5%-y "Matematıka-Fızıka" kombınasıasyn tańdaǵan. Iaǵnı, bul bolashaq ınjenerler, mehanıkter, muǵalimder, tehnıkter men tehnologtar, energetıkter, qurylysshylar. Al 17,3%-y "Bıologıa-Hımıa", 10,3%-y "Matematıka-Informatıka" pánderin tańdady, olar – bolashaq medısına qyzmetkerleri men IT mamandary.
UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha pánder. UBT tapsyrmalar sany – 120. Onyń ishinde "Qazaqstan tarıhynan" 20 tapsyrma, "Oqý saýattylyǵynan" 10 tapsyrma, "Matematıkalyq saýattylyqtan" 10 tapsyrma jáne eki beıindik pán boıynsha 40 tapsyrmadan. Joǵary bal – 140.
Testileý ýaqyty – 4 saǵat (240 mınýt). Erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalady.
Qańtardaǵy UBT-ǵa aqyly negizde kúndizgi oqý nysany boıynsha joǵary oqý oryndaryna qabyldanǵan, jazǵy UBT nátıjeleri boıynsha shekti bal jınamaǵandar, shyǵarmashylyq UBT-dan basqa daıyndyq baǵyttaryna, pedagogıkalyq baǵytqa aqyly negizde aýysqysy keletinder, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady.