Almatyda jyl basynan beri 2 726 kezekte turǵan azamat komýnaldyq turǵyn úımen qamtamasyz etildi, dep habarlaıdy aqshamnews.kz qalanyń komýnaldyq ınfraqurylymdy damytý basqarmasyna silteme jasap.
2024 jylǵy 1 qyrkúıektegi jaǵdaı boıynsha turǵyn úı kezeginde 43 448 adam tur. Olardyń ishinde: 2 330 – jetim balalar, 7 546 – kópbalaly otbasylar, 18 468 – halyqtyń áleýmettik osal toptary (HÁOT), 15 104 – búdjettik uıym qyzmetkerleri.
Bıyl 8 aıda 2 726 azamat turǵyn úımen qamtamasyz etildi, onyń ishinde: 1 080 – kezekte turǵandarǵa arnalǵan komýnaldyq turǵyn úı qorynan jaldamaly turǵyn úı, 1 348 – jumys isteıtin jastarǵa satyp alý quqyǵynsyz jaldamaly turǵyn úı, 226 – 2% jáne 5% jeńildetilgen nesıe baǵdarlamalary arqyly turǵyn úı alǵandar, 72 – «Almaty jastary» baǵdarlamasy boıynsha. Sonymen qatar, 169,3 mln teńgege 148 turǵyn úı sertıfıkaty berildi.
