Iran 7 qazan kúní tańerteńge deıín áue qatynasyna būryn engízílgen shekteulerdí alyp tastady, dep habarlaıdy aqshamnews.kz.
Būl turaly Islam Respublıkasynyń Azamattyq avıatsıya ūıymynyń ókílí Djafar Yazerlu málímdedí, dep jazady TASS.
— Operatsıyalyq kedergílerdíń joıyluyna baılanysty áue reısteríne būryn jarıyalanǵan shekteuler joıyldy. Búgín 23:00–den bastap (Astana uaqyty boıynsha 00:30) reıster ádettegídeı oryndalyp jatyr, — dedí Djafar Yazerlu IRNA agenttígíne.
Būǵan deıín habarlaǵanymyzdaı, Irannyń Azamattyq avıatsıya ūıymy 6 qazan kúngí saǵat 22:30–dan 7 qazan kúngí 07:30–ǵa deıín eldegí barlyq áuejaılardan reısterdí toqtatqan.
Būǵan deıín Izraıldíń Beırutke jańa shabuyldar jasaǵany habarlanǵan bolatyn.
Aıta keteıík, Iran Izraılge zymyrandar ūshyrdy. Iemen de Palestına men Lıvandy qoldap, Tel-Avıvtegí Izraıldíń áskerı nysanasyna shabuyl jasau úshín Yafa ūshqyshsyz ūshaǵyn paıdalandy.
Izraıl óz kezegínde Irannan kek aluǵa uáde berdí.