Keshe túnde Almatyda eki temperatýralyq rekord tirkelgen.
Almatynyń aıazy jarty ǵasyr burynǵy rekordty qaıtalady, dep habarlaıdy Almaty-akshamy.kz
Sınoptıkterdiń málimetinshe, 12 qańtarda túnde Almatyda eki temperatýralyq rekord tirkelgen.
«Eń tómengi temperatýra «Shymbulaqta» tirkeldi. Ol jerde aýa temperatýrasy -27,8 gradýsqa deıin jetti. Buǵan deıin qańtardaǵy aıaz 1969 jyly tirkelgen bolatyn, shamamen -27 gradýs. Sonymen qatar, «Myńjylqy» meteostansıasynda temperatýra rekordy tirkeldi. Buǵan deıin ol aımaqta qańtarda -32 gradýs tirkelse, 12 qańtarda -32,4 gradýs boldy», - deıdi Almaty jáne Almaty oblysy boıynsha "Qazgıdromet" fılıalynyń jetekshi ınjener-sınoptıgi Dáýlet Qısebaev.
Onyń sózinshe, bıyl Almatyda qańtar salystyrmaly túrde aıaz qatty.