Olardyń 95 paıyzy bul rásimdi sottan tys onlaın júzege asyra alady.
Degenmen bankrottyq - qaryzdy keshiretin aksıa emes. Elordada myńǵa jýyq turǵyn qatysqan semınarda Qarjy vıse-mınıstri Erjan Birjanov osylaı dedi, dep habarlaıdy Almaty-akshamy.kz 24.kz-ke silteme jasap.
Jıynda jalǵan qujat tapsyryp, ózin qoldan bankrot jasaýǵa talpynǵan azamattardyń jaýapqa tartylatyny aıtyldy. Iá, jańa zańnyń aınalasynda alyp-qashpa áńgime órip júr. Muny alaıaqtar óz paıdasyna asyryp jatqan syńaıly. Sebebi áleýmettik jelide qaryz kóleminiń bir bóligin ustatsań, bankrot bolýǵa kómektesemin degen jarnamalar qaptap ketti. Vıse-mınıstr mundaı habarlama taratqandarǵa da shara qoldanylady dedi.
«Qazir aılakerler paıda boldy. Jelilerde "10 paıyzyn berseńiz, bankrot dep tanımyn" degen habarlandyrýlar jeldeı esip júr. Ondaı habarlamalarǵa júginý kerek emes. Birinshiden, aldanyp qalady, ekinshiden, qarajatynan aıyrylady. Úshinshiden, saldary bolady. Barlyq tásilder tegin túrde ótkiziledi», - deıdi QR Qarjy vıse-mınıstri Erjan Birjanov.