Tártip saqshylary nelikten múgedekterdiń qoǵamdyq kólikke otyrýy qıynǵa soǵatynyn tekserdi.
Bul bastamany qoǵam belsendileri kóterdi, dep habarlaıdy Almaty-akshamy.kz Polisia.kz-ke silteme jasap.
«Men múmkindigi shekteýli jandardyń múddesin qorǵaımyn. Búginde qoǵamdyq kólik júrgizýshilerine aıaldamadan múgedekterdi qalaı alyp ketý kerektigi jóninde kýrstar ótkizemin. Olar bizge keri baılanysqa shyǵyp, aıaldamaǵa deıin jete almaıtyn derekter de bar ekenin aıtty, óıtkeni júrgizýshiler jol belgileri men jol qozǵalysy erejelerine qaramastan, kólikterin jol boıyna tastap ketedi», – dedi qoǵam qaıratkeri Bogdan Djepka.
PD birlesken reıdterdiń maqsaty – múmkindigi shekteýli adamdar úshin qoljetimdi ortany qalyptastyrýǵa qoǵamnyń nazaryn aýdarý jáne osy sanattaǵy jol qozǵalysyna qatysýshylarǵa durys kózqaras qajettigin, sondaı-aq, olarǵa jolda teń múmkindikterdi qamtamasyz etý ekenin túsindirdi.
«Memleketimizdiń áleýmettik saıasatynyń basym baǵyttarynyń biri – múmkindigi shekteýli jandardyń máselelerin sheshý, olardyń qoǵamdaǵy jaǵdaıyn jaqsartý. Ókinishke oraı, bul erejeni elemeı, kólikterin tek múgedekterge arnalǵan oryndarǵa, sondaı-aq, jol jıegine qoıatyn jaýapsyz júrgizýshiler áli de bar, bul qoǵamdyq kólikterdiń aıaldamaǵa jetýin qıyndatady. Polısıa tarapynan quqyq buzýshylyqtyń jolyn kesý, aldyn alý, sondaı-aq osy túrin anyqtaý maqsatynda shahar júrgizýshileriniń tártibi men jaýapkershilik sezimin arttyrýǵa yqpal etetin maqsatty profılaktıkalyq is-sharalar júrgizilýde», – dedi Almaty qalalyq PD Ákimshilik polısıa basqarmasy bastyǵynyń orynbasary Dáýlet Seıitqulov.
Almatyda jyl basynan beri múgedekterge arnalǵan oryndarǵa kólik quraldaryn zańsyz qoıýdyń 600-den astam deregi anyqtaldy (QR ÁQbK-niń 597-baby, 4-bóligi).