Mamandar bul azamattarǵa qandaı kómek kórsetiletini týraly aıtty.
Qazirgi ýaqytta Qazaqstanda 150 myńnan astam estimeıtin jáne nashar estıtin adam, al Almaty qalasynda estý qabileti nashar 10 myńnan astam adam turady. "Ten Qogam" estý qabileti buzylǵan adamdardy áleýmettik qoldaý ortalyǵynyń basshysy Amanbıke Erǵalıeva Almaty óńirlik komýnıkasıalar qyzmeti alańynda halyqtyń osy sanatyndaǵy adamdarǵa qandaı kómek kórsetiletini týraly aıtyp berdi, dep habarlaıdy Almaty-akshamy.kz.
Amanbıke Erǵalıevanyń aıtýynsha, olar qoǵamda beıimdelýge kómektesedi, psıhologıalyq, quqyqtyq qoldaý kórsetedi, turmystyq, áleýmettik jáne qarjylyq daǵdylardy úıretedi.
Estý qabileti buzylǵan kóptegen azamattarǵa jumys tabýǵa, óz isin ashýǵa kómektesedi. Ádette, bul aıaq kıim jóndeý sheberhanalary, atele, taksı, kıim dúkenderi, handmade ónimderi, sonymen qatar olar qurylys salasynda, kasada qyzmet kórsetýde, taýarlardy ólsheý jáne oraýda, baspahanalarda, jattyqtyrýshy bolyp jaldanady.
"Ten Qogam" ortalyǵyna múgedektigi bar barlyq adamdar, onyń ishinde olardyń ata-analary men jaqyndary júgine alady. Bizdiń ortalyqta áleýmettenýge kómektesetin psıholog keńes beredi", - dedi A.Erǵalıeva.
Sondaı-aq brıfıń barysynda respýblıka boıynsha estý qabileti shekteýli jandarǵa arnalǵan mamandandyrylǵan 24 mektep bar ekeni belgili boldy. Olardyń ekeýi -No1 arnaýly túzetý mektebi jáne estý qabileti buzylǵan №5 arnaıy túzetý mektebi Almatyda ornalasqan. Mektep túlekterine arnaıy jaǵdı jasalǵan, olardyń úsh kolej ben Týrızm jáne sport akademıasynda joǵary jáne orta arnaýly bilim alýǵa múmkindikteri bar.
Almaty qalasynyń óńirlik komýnıkasıalar qyzmetiniń habarlamalary men materıaldaryn taratý kezinde ÓKQ-ǵa silteme jasaý mindetti.
