Qazaqstanda jyl saıyn 600-deı bala qaterli isikke shaldyǵady.
Olardyń 40 paıyzyna «aq qan» dıagnozy qoıylady. Bul kórsetkish Qazaqstanda sońǵy jeti jylda saqtalyp otyr. Bul týraly Almatyda ótken halyqaralyq konferensıada aıtyldy, dep habarlaıdy Almaty-akshamy.kz
İs-shara Pedıatrıa jáne balalar hırýrgıasy ǵylymı ortalyǵynyń 90 jyldyǵyna oraı uıymdastyryldy. Dárigerlerdiń aıtýynsha, búginde aýyr dertke shaldyqqandardy emdeý tıimdiligi 70 paıyzǵa deıin jetken. Mamandardyń aıtýynsha, elimizde balalardy emdeıtin onkolog-gematolog tapshy. Jıynda osy máseleni sheshý joldary da talqylandy.
«Aýyr naýqastardyń jaǵdaıyn jaqsartýǵa arnalǵan baǵytta, solardyń emdeý jumystaryn uıymdastyrý maqsatta osy jerde basymyz qosylyp otyr. Pedıatrıa fakúltetindegi balalardyń alǵashqylary bıyl altynshy kýrsta oqyp júr. Sol balalar altynshy kýrsty bitirgennen keıin tolyǵymen pedıatrıa mamandyǵyna barady», - deıdi Pedıatrıa jáne balalar hırýrgıasy ortalyǵynyń basqarma tóraǵasy Abaı Qusaıynov.