Zań buzǵan mopedshi qashyp ketpekshi boldy.
Almatyda moped júrgizýshisi polısıa qyzmetkerin qaǵyp ketip, oqıǵa ornynan qashpaq boldy, dep habarlaıdy Almaty-akshamy.kz Rolisia.kz-ke silteme jasap.
Oqıǵa 12 mamyr kúni saǵat 16.00 shamasynda Almatynyń Medeý aýdanynda boldy.
«Dostyq dańǵyly men Qurmanǵazy kóshesiniń qıylysynda basyna shlem kımegen moped júrgizýshisin baıqap qaldyq. Toqtaý týraly buıryqty oryndamady. Kerisinshe, joǵary jyldamdyqpen jeke úıler arasymen qashyp ketýge tyrysty.
Budan bólek, ol jol qozǵalysyna qatysýshylarǵa naqty qaýip tóndirdi. Qýys kóshede mopedti jaıaý qýa bastadym. Mopedshi artqa burylyp, maǵan qaraı ádeıi júrdi. Soqtyǵysýdan qashyp qutylý múmkin bolmady. Men quladym. Al mopedshi basqarý tetigine ıe bola almaı, kedergige soqtyǵysty. Sodan keıin ol ustaldy», - dedi Almaty qalalyq polısıa departamenti jergilikti polısıa qyzmeti basqarmasynyń patrúldik polısıa polkiniń ınspektory Jánibek Orazbaev.
Mopedshi kýrerlik kompanıalardyń biriniń 23 jastaǵy qyzmetshisi bolyp shyqty.
«Zardap shekken polıseı aýrýhanaǵa jetkizildi. Jol-kólik oqıǵasy jáne polısıa qyzmetkeriniń zańdy talaptaryna baǵynbaý derekteri tirkeldi. Moped júrgizýshisi QR zańnamasyna saı jaýapkershilikke tartylatyn bolady», - delingen málimette.