14-15 mamyrda eldiń soltústik jartysynda, túngi ýaqytta 3 gradýs úsik júredi.
Aldaǵy demalys kúnderi Almatyda kún jyly bolady. Biraq jaýyn-shashyn jaýýy yqtımal. Al elimizdiń Soltústik jáne shyǵys aımaqtarda túngi ýaqytta úsik júrýi múmkin, dep habarlaıdy Almaty-akshamy.kz.
Aldaǵy demalys kúnderi elimizde turaqsyz aýa raıy bolýy yqtımal. Sınoptıkter senbide respýblıkanyń basym bóliginde jaýyn-shashyn jaýady. Al kúndiz soltústik-batys pen soltústikte burshaq jaýýy múmkin. Artynsha jel kúsheıip, ońtústik-batysta tuman túsetinin habarlady. Ońtústikte demalys kúnderi shańdy daýyl bolady. Shymkentte de naızaǵaı oınap, jel kúsheımek. Osyǵan baılanysty megapolıste daýyldy eskertý jarıalanyp otyr.
«Mamandar Qazaqstan boıynsha aýa temperatýrasynyń aýytqıtynyn aıtady. 14-15 mamyrda eldiń soltústik jartysynda, túngi ýaqytta 3 gradýs úsik júredi. 13 mamyrda soltústikte, 14 mamyrda ońtústik aımaqtarda, 14-15 mamyrda ońtústik-batysta jaýyn-shashyn jaýady. 15 mamyrda túnde respýblıkanyń shyǵysynda jańbyr aralas qar túsedi», – dedi «Qazgıdromet» RMK baspasóz hatshysy Alına Smaǵulova.
Soltústik jáne shyǵys aımaqtarda túngi ýaqytta 2-3 gradýsqa deıin úsik júrýi múmkin. Almaty qalasynda kún ala bultty, jańbyr jaýýy yqtımal. Senbi, jeksenbi kúnderi termometr baǵany kúndiz +23-25 +23°C, túnde 13-15 °C gradýsty kórsetedi.