Almaty polıseıleri jańa shaǵynaýdannan moped urlap júrgenderdi quryqtady.
Almaty qalasy Naýryzbaı aýdanynyń polısıa qyzmetkerleri jańa aýdandarynyń birinen eki moped urysyn ustady, dep habarlaıdy Almaty-akshamy.kz Polisia.kz-ke silteme jasap.
«Qazirgi ýaqytta «dýettiń» úsh moped urlyǵyna qatystylyǵy anyqtaldy. 32 jastaǵy A. esimdi azamat pen 24 jastaǵy T. esimdi azamat zańsyz baıý maqsatynda, túnde kóp qabatty úılerdiń aýlalarynda qaraýsyz qalǵan kólik quraldaryn «anyqtap júrgen». Odan soń urlap, keıin jasyryp qoıǵan. Keıin olar kólik quraldaryn qaıta satýdy josparlaǵan, biraq úlgermegen. Úsh moped tárkilendi jáne aıǵaqty zat retinde qylmystyq is materıaldaryna tirkeldi. Jambyl jáne Túrkistan oblystarynan kelgenderdiń buryn qylmystyq jaýapkershilikke tartylmaǵandyǵy belgili boldy. Bul epızodtar QR QK-niń 188-baby (Urlyq) boıynsha bir is júrgizýge biriktirildi. Qazirgi ýaqytta tergeýshiler kúdiktilerdiń qalanyń basqa aýdandarynda buryn jasalǵan osyǵan uqsas qylmystarǵa qatysy bar-joǵyn tekserip jatyr», – dedi Naýryzbaı aýdandyq polısıa basqarmasynyń bastyǵy Muhamedáli Seısenuly.