Almaty qalasy Memlekettik kirister departamenti basshysynyń orynbasary Orynkúl Qazıeva Óńirlik komýnıkasıalar qyzmetiniń onlaın-baspasóz konferensıasy barysynda mobıldik aýdarymdar men tólemderge qatysty jıi qoıylatyn suraqtarǵa jaýap berdi, dep habarlaıdy Almaty-akshamy.kz
Aıta ketsek, jeltoqsan aıynda QR-da «Salyq jáne búdjetke tólenetin basqa da mindetti tólemder týraly» Kodekske (salyq kodeksi) túzetýler qabyldandy. Orynkúl Qazıeva 2022 jyldyń 1 naýryzynan bastap el men megapolıs turǵyndaryna qandaı ózgerister áser etetinin aıtty.
Almaty MKD ókili elimizde shaǵyn jáne orta bıznes sońǵy jyldary kásipkerlik qyzmette jeke tulǵalar arasyndaǵy tranzaksıalarǵa arnalǵan jedel mobıldi aýdarymdardy jappaı paıdalana bastaǵanyn atap ótti. Sondyqtan da osy máseleni zańnamalyq retteý úshin «Mobıldik tólemder» jáne «mobıldik aýdarymdar» uǵymdary aıqyndaldy.
Memlekettik kirister departamenti basshysynyń orynbasary atap ótkendeı, mobıldi tólemderdi fıskalızasıalaý kez-kelgen adam úshin jańa salyqtyń paıda bolýyn bildirmeıdi, tek bıznestiń qoldanystaǵy zańnamada qarastyrylǵan salyq mindettemelerin oryndaýyna baǵyttalǵan.
«Jalpy, mobıldik aýdarymdardy paıdalanýǵa qatysty salyq zańnamasyna engizilgen túzetýler jeke tulǵalardyń mobıldik tólemderden jeke aýdarymdaryn kásipkerlik maqsatta júzege asyrylatyn mobıldik tólemderden bólýge arnalǵan. Olar bıznes-qoǵamdastyqpen jáne banktermen birneshe ret talqylandy», - dedi Orynkúl Qazıeva.
Ol atalǵan bastamalardyń maqsaty sıfrlyq keńistikte bıznesti odan ári damytý bolyp tabylatynyn jáne qolma-qol esep aıyrysýǵa kóshý maqsattaryn kózdemeıtinin atap ótti. Al memlekettik kirister organdaryna derekterdi berýge qatysty barlyq alańdaýshylyqtar da negizsiz.
Bankterden málimetter alý kásipkerlik shottarǵa túsetin tólemder boıynsha ǵana júrgiziletin bolady. Osylaısha, jeke aýdarymdarǵa salyq salynbaıdy.
Mobıldik tólemderge qatysty normalar 2022 jylǵy 1 naýryzdan bastap kúshine enedi.
Kásipkerlik qyzmet belgileri bar mobıldi tólemder boıynsha derektermen almasý tek 2025 jyldan bastap josparlanady.
Orynkúl Qazıeva ekinshi deńgeıli bankter men memlekettik organdar arasynda jasalǵan mobıldik aýdarymdar týraly aqparat almasý qalaı júretinin túsindirdi. Birinshiden, dara kásipkerler boıynsha mobıldik tólemder jónindegi málimetterdi ekinshi deńgeıdegi bankter Memlekettik kiris organdaryna: aı saıyn, E-salyk Business salyq rejımin qoldanatyndar boıynsha, sondaı-aq qyzmetti basqa salyq rejımderinde júzege asyrǵan kezde jáne osyndaı málimetterdi berýge kelisim bergen kezde; jylyna bir ret barlyq dara kásipkerler boıynsha (post-termınaldar boıynsha málimetterdi berýge uqsas, qoldanystaǵy norma) beretin bolady.
Kásipkerler bolyp tabylmaıtyn jeke tulǵalarǵa qatysty MKK jáne ekinshi deńgeıdegi bankter arasynda aqparat almasý QR Ulttyq bankimen, QR Qarjy naryǵyn retteý jáne damytý agenttigimen, Qazaqstan qarjygerleriniń qaýymdastyǵymen jáne ekinshi deńgeıdegi banktermen birlesip ázirleý josparlanyp otyrǵan krıterıılerge sáıkes júzege asyrylatyn bolady. (mysaly - bir adamnyń qatarynan úsh kúntizbelik aı ishinde aı saıyn 80-100 adamnan kóptegen aýdarymdardy alýy).
Ólshemderdi bekitý jónindegi normatıvtik quqyqtyq aktiniń jobasy jarıa talqylaý úshin «Ashyq NQA» portalynda ornalastyrylatyn bolady. Budan basqa, málimetter almasý júrgiziletin tulǵalar sanattary jeke tulǵalardyń jalpyǵa birdeı deklarasıalaýǵa kirýine uqsas kezeń-kezeńimen júzege asyrylatyn bolady.