Sanıtarlyq-epıdemıologıalyq baqylaý komıtetiniń tóraǵasy Aıjan Esmaǵambetova revaksınasıa úshin «Spýtnık laıt» vaksınasyn jetkizýge qatysty kelissóz júrip jatqanyn aıtty, dep habarlaıdy almaty-akshamy.kz.
«Jetkizýshilermen kúndelikti kelissóz júrgizilip jatyr. «Spýtnık laıt» boıynsha aldyn ala kelissóz jasaldy. Ázirshe, 2022 jyldyń birinshi toqsanynda shamamen 1 mln doza jetkiziledi», - dedi komıtet tóraǵasy Úkimet otyrysynan keıin BAQ ókilderiniń saýalyna oraı.
Onyń atap ótýinshe, aldyn ala ýaǵdalastyqqa sáıkes, jeltoqsan aıynyń sońynda nemese qańtar aıynyń basynda «Spýtnık laıt» vaksınasynyń 150 myń dozasy Qazaqstanǵa jetkizilmek. Aıta keteıik, Úkimet otyrysynda QR Densaýlyq saqtaý mınıstriniń mindetin atqarýshy Jandos Búrkitbaev jappaı revaksınasıa júrgizýdi tezdetý qajettigin aıtqan bolatyn.