Ashyq esik kúni
Almaty qalasy Áýezov aýdany ákimi apparatynyń ǵımaratynda «Halyq únine qulaq asatyn memleket» tujyrymdamasy aıasynda Memlekettik qyzmet departamentiniń qoldaýymen ashyq esik kúni ótti, dep habarlaıdy Almaty-akshamy.kz.
İs-sharanyń maqsaty – apparattyń bólimderi kórsetetin memlekettik qyzmetti qoldaný tártibin túsindirý. Azamattardy qabyldaý nátıjesi boıynsha 23 kelýshige nusqaý berilgen. Aıta keteıik, Áýezov aýdanynan bastaý alǵan bul úrdis kelesi beısenbide Alataý aýdanynda jalǵasady.
«Biz aptanyń ár beısenbi kúnderinde qalamyzdyń 8 aýdanynda osyndaı túsindirý jumystaryn júrgizilýde. Qyzmet alǵan turǵyndar búginde óz máselelerin sheship jatyr. Qolymyzdan kelgenshe halyqtyń suraqtaryna qulaq asyp, usynys, baǵyt-baǵdar berip jatyrmyz. Túsindirý jumystaryna belsene atsalysqan turǵyndar men qyzmetkerlerge alǵysymdy bildiremin», – deıdi Memlekettik qyzmet isteri agenttiginiń Almaty qalasy boıynsha departament ókili Maqsat Jańbyrshıev.
Esterińizge sala keteıik, Áýezov aýdanynyń ákimdigi áleýmettik sala, sport jáne azamattyq, halyq aktileri salasynyń bólimderi boıynsha memlekettik qyzmettiń 11 túrin kórsetedi. Sondaı-aq, memlekettik qyzmetter «elektrondyq úkimet» portaly nemese «Azamattarǵa arnalǵan úkimet «memlekettik korporasıasy» KE AQ fılıaly arqyly qala turǵyndarynyń qolaılylyǵy men jaılylyǵyn arttyrý maqsatynda elektrondyq formatta kórsetiledi.
18 tamyzdaǵy jaǵdaı boıynsha aǵymdaǵy jyly Áýezov aýdany ákiminiń apparaty halyqqa 17 049 memlekettik qyzmet kórsetken.