Almaty qalasynda Sybaılas jemqorlyqqa qarsy qyzmet bastamasymen syrtqy ekonomıkalyq qyzmetke qatysýshylardyń problemalyq máselelerin talqylaý boıynsha dóńgelek ústel ótti, dep habarlaıdy Almaty-akshamy.kz.
Talqylaýǵa memlekettik organdardyń qyzmetkerleri, «Atameken» UKP basshylary, qoǵam qaıratkerleri men kásipkerlik qoǵamdastyqtardyń ókilderi qatysty.
İs-shara basynda Almaty qalasy, Almaty jáne Jambyl oblystarynyń keden beketteriniń basshylary kásipkerler úshin kedendik rásimder máseleleri boıynsha keńes ótkizdi.
Bıznes-ombýdsmen Rýstam Júrsinov is-sharany asha otyryp, negizinen syrtqy ekonomıkalyq qyzmetke qatysýshylardy kedendik shekara arqyly taýarlar men kólik quraldaryn ótkizýge qatysty máseleler tolǵandyratynyn atap ótti.
Kásipkerler keden beketteriniń ótkizý qabileti, júkterdi rásimdeý kezinde artyq qujattandyrý, sybaılas jemqorlyq táýekelderin týdyratyn halyqaralyq tasymaldarǵa arnalǵan blankilerdiń tapshylyǵy men alypsatarlyǵy boıynsha máselelerdi kóterdi.
«Kásipkerlerdi qorǵaý sybaılas jemqorlyqqa qarsy qyzmet organdary qyzmetiniń basym baǵyttarynyń biri bolyp tabylady. Zańnamalyq jáne uıymdastyrýshylyq sıpattaǵy qabyldanyp jatqan sharalarǵa qaramastan, sheshýdi talap etetin kóptegen máseleler bar», - dep Almaty qalasynyń Sybaılas jemqorlyqqa qarsy qyzmetiniń basshysy Asqat Orazhan atap ótti.
Kásipkerlerge kelip túsken barlyq suraqtar boıynsha memlekettik organdar tolyq túsiniktemeler berdi, birqatar naqty ótinishter baqylaýǵa alyndy.
Osylaısha, Qarjy mınıstrligi Memlekettik kirister komıtetiniń ókili Serik Janaıdarov syrtqy ekonomıkalyq qyzmetke qatysýshylardyń aıtylǵan máselelerin sheshý boıynsha barlyq sharalar qabyldanatynyn atap ketti.
Jalpy talqylaý barysynda syrtqy ekonomıkalyq qyzmet salasyndaǵy kásipkerlikti qoldaý boıynsha memlekettik saıasattyń tıimdiligin arttyrýǵa baǵyttalǵan birqatar usynymdar aıtyldy.
Dóńgelek ústel sońynda Qazaqstan kásipkerleriniń quqyqtaryn qorǵaý jónindegi ýákil Rýstam Júrsinov búginde aıtylǵan barlyq problemalardyń 90%-y óńirlik deńgeıde sheshilýi múmkin ekenin atap ótti. Suraqtardyń basym bóligi «Atameken" UKP-nyń baqylaýyna alyndy.