Energetıka mınıstri Erlan Aqkenjenovtiń aıtýynsha, Qazaqstanda otyn-energetıka kesheninde JI tehnologıalaryn qoldaný máselesi belsendi túrde pysyqtalýda, dep habarlaıdy aqshamnews.kz.
Osy maqsatta, mınıstrdiń aıtýynsha, TEK salasyna JI engizý jónindegi akselerasıalyq top qurylǵan, onyń quramyna salanyń jetekshi kompanıalarynyń ókilderi kirdi.
«Toptyń negizgi mindeti – salalyq qajettilikterdi aıqyndaý jáne JI tehnologıalaryn engizý boıynsha pılottyq jobalardy júzege asyrý baǵytynda kúsh-jigerdi biriktirý», dep atap ótti Erlan Aqkenjenov.
Sonymen birge bıyl JI sheshimderi bar ǵalamdyq vendorlar men IT-kompanıalardan turatyn AI-aláns qurylǵan. Otandyq IT ázirleýshilerdi qoldaý maqsatynda mınıstrlik pen Astana Hub rezıdentteri arasynda salaǵa JI sheshimderin engizý jáne sol baǵytta birlesip synaqtar ótkizý jóninde memorandýmdarǵa qol qoıyldy.