Almatydaǵy Alatau Creative Hub shyǵarmashylyq ortalyǵynda Kitaphanashy kúni aıryqsha atalyp ótti. Bul mereke – ulttyń rýhanı qazynasyn saqtap, bilim men mádenıetti nasıhattap júrgen kitaphanashylar eńbegine degen qurmetten bastaý alady.
Saltanatty jıynǵa Almaty qalalyq Mádenıet basqarmasynyń basshysy Danıar Álıev, Qazaqstan Jazýshylar odaǵynyń tóraǵasy Mereke Qulkenov, kitaphana salasynyń ardagerleri, qalalyq kitaphanalar qyzmetkerleri jáne shyǵarmashylyq qaýym ókilderi qatysty.
– Kitaphanashy – kitap pen oqyrman arasyndaǵy dáneker ǵana emes, kitapqa jańa tynys beretin tulǵa, – dedi Mereke Qulkenov, – Onyń eńbegimen kitap rýhanı kúshke aınalyp, oqyrman bilim men izdenis jolyna túsedi, – dedi merekelik is-sharada.
İs-shara barysynda kitaphana salasynyń ardagerleri men úzdik qyzmetkerleri QR Mádenıet jáne aqparat mınıstrliginiń, Almaty qalasy ákimdiginiń jáne Mádenıet basqarmasynyń Alǵys hattarymen jáne Qurmet gramotalarymen marapattaldy.
Kitaphana isiniń maıtalmandaryna aıtylǵan jyly lebizder men rızashylyq sózder olardyń aǵartýshylyq joldaǵy eńbeginiń qoǵam úshin mańyzyn aıqyndaı tústi.
Aıta keteıik, Almatyda kitaphanashylar qaýymyna qurmet kórsetý dástúri jyl saıyn jalǵasyp keledi.