Energetıka mınıstri elimizdiń energetıkalyq ınfraqurylymyn jańǵyrtý jumystarynyń barysy týraly baıandady, dep habarlaıdy aqshamnews.kz
Ol elimizdiń energetıkalyq júıesi tıisti talaptarǵa saı jáne Reseı men Ortalyq Azıa elderiniń energetıkalyq júıelerimen úılesimdi qalypta jumys istep turǵanyn atap ótti.
Elimizde 237 elektr stansasy bar bolsa, onyń 79-y dástúrli generasıa kózderi, qalǵany 158 jańartylatyn energıa kózderinen turady.
«Mınıstrlik energetıkalyq qaýipsizdikti nyǵaıtýǵa, ınfraqurylymdy jańǵyrtýǵa, qýattardy keńeıtýge jáne sıfrlyq sheshimderdi engizýge baǵyttalǵan sharalardy turaqty negizde qabyldap keledi»,
dedi Erlan Aqkenjenov.
Mınıstr 26 GVt-tan astam jańa qýat kózderin qosý qarastyrylyp otyrǵan «Energetıka salasyn 2035 jylǵa deıingi damytý jospary» aıasyndaǵy jumystar qarqyndy túrde jalǵasyp jatqanyn aıtty.
Jańa qýattardy iske qosý qoldanystaǵy stansalardy jańǵyrtý arqyly da jáne jańa qýat óndirý qondyrǵylaryn salý arqyly da júzege asyrylady.