Qazaqstan otandyq avtotasymaldaýshylardyń múddelerin halyqaralyq naryqta qorǵaý jónindegi jumysty jalǵastyrýda, dep habarlaıdy aqshamnews.kz
Jyl saıyn halyqaralyq tasymaldarǵa ruqsattar almasýdy kózdeıtin 42 elmen úkimetaralyq kelisimder jasaldy.
Rásimdi jeńildetýge jáne sybaılas jemqorlyq táýekelderin azaıtýǵa baǵyttalǵan sheteldik ruqsat blankilerin berýdiń jańa erejeleri men úderisterdi avtomattandyrý jáne ótinimderdi resimdeý merzimderin qysqartý tetikteri engizildi.
Júk kóliginiń qozǵalysyn baqylaýdyń sıfrlyq formatyna kóshý avtomattandyrylǵan ólsheý stansalaryn (AÓS) engizý arqyly júzege asyrylady. Búgingi tańda zań buzýshylyqtardy avtomatty túrde tirkeý úshin «Ákimshilik óndiristiń biryńǵaı tizilimi» júıesimen ıntegrasıalanǵan 63 stansa (30-y respýblıkalyq joldarda, 33-i jergilikti joldarda) jumys istep tur.
Qytaımen úkimetaralyq kelisim ratıfıkasıalandy, onyń sheńberinde Qazaqstan Qytaı aýmaǵy arqyly ishki tranzıttik avtotasymaldaýdy júzege asyrý quqyǵyn alǵan birinshi el bolyp otyr.