Bıyl búdjet shyǵystarynyń tıimdiligin arttyrý úshin jańa 10 jol ýchaskesinde aqyly jol engizildi, dep habarlaıdy aqshamnews.kz úkimettiń málimetine silteme jasap.
2025 jyly qurylys jáne jóndeý jumystarymen barlyq sanattaǵy 13 myń shaqyrymǵa jýyq avtojoldar qamtyldy, onyń ishinde:
2,2 myń shaqyrym respýblıkalyq mańyzy bar joldardy salý jáne rekonstrýksıalaý;
6,6 myń shaqyrym respýblıkalyq jelini kúrdeli jáne ortasha jóndeý;
4,1 myń shaqyrym jergilikti joldardy jańartý jumystary bar.
"Búdjet shyǵystarynyń tıimdiligin arttyrý úshin jalpy uzyndyǵy 2 myń shaqyrym bolatyn jańa 10 jol ýchaskesinde aqyly jol engizildi. Nátıjesinde aqyly kúre joldardyń jalpy uzyndyǵy 3,2 myń shaqyrymnan 5,2 myń shaqyrymǵa deıin ulǵaıdy", - dep jazylǵan habarlamada.
Jyl sońyna deıin 6,1 myń shaqyrymdyq jol jumystaryn aıaqtaý josparlanyp otyr. Olar – qurylys jáne rekonstrýksıalaý (847 shaqyrym), kúrdeli jáne ortasha jóndeý (2,2 myń shaqyrym) jáne jergilikti mańyzy bar joldardy (3,1 myń shaqyrym) jóndeý jumystary.