Almaty qalasy Qoǵamdyq damý basqarmasynyń «Bas bostandyǵynan aıyrý oryndarynan shyqqan adamdardy áleýmettik beıimdeý» jobasy aıasynda «Social project» qoǵamdyq qorynyń ókilderi sotty bolǵan jastarmen júzdesti.
Almaty qalasy boıynsha QAJD №11 mekemesinde uıymdastyrylǵan bas bostandyǵynan aıyrylǵan jazasyn óteýshi jasópirimdermen kezdesýde qalalyq «Atameken» ulttyq kásipkerler palatasynyń ókili Aıdos Qaljanov jastarǵa zańdyq, quqyqtyq keńester berdi. Naqtyraq aıtsaq, jazasyn óteýshi jasópirimderge bosatylǵannan keıin kómek kórsetiletini, eshqandaı shettetilmeı, jumyspen qamtylatyny týraly da tarqatyp aıtty.
– Bizdiń maqsat – bas bostandyǵynan aıyrylyp, jazasyn ótep jatqan jetkinshekterge erteńgi kúni bostandyqqa shyqqannan keıin tyǵyryqqa tirelip, qoǵamnan alshaqtap qalmaýy úshin ne isteý kerektigin, aldaǵy jaqsy kúnderden úmit úzbeýlerin túsindirý. Jaza basqandarǵa «sotty bolý – sońǵy úkim emes» ekenin jetkizip, osynaý ómirden óz ornyn taba alatynyna sendirip, ishki motıvasıasyn kótergimiz keledi, – deıdi «Social project» qoǵamdyq qordynyń dırektory, joba jetekshisi Beıbit Nálibaev.