23 qazan 2025 jyly Almaty sán jáne qyzmet kórsetý salasy kolejinde ustazdar arasynda qazaq kúresinen ótken dástúrli «Kolej ustaz barysy – 2025» týrnıri joǵary deńgeıde uıymdastyryldy. Bul týrnır Almaty qalasy ákiminiń ókimi jáne 2024 jylǵy 17 jeltoqsandaǵy №34-Ó buıryǵy negizinde ótkizilip, qala kolejderi arasyndaǵy dene shynyqtyrý men ulttyq sportty damytýǵa baǵyttaldy.
Jarystyń ashylý saltanaty erekshe rýhty atmosferada ótti. Saltanat aıasynda sóz sóılegen Almaty sán jáne qyzmet kórsetý salasy kolejiniń…
Almatyda kolej ustazdary arasynda «Ustaz barysy – 2025» týrnıri ótti
23 qazan 2025 jyly Almaty sán jáne qyzmet kórsetý salasy kolejinde ustazdar arasynda qazaq kúresinen ótken dástúrli «Kolej ustaz barysy – 2025» týrnıri joǵary deńgeıde uıymdastyryldy. Bul týrnır Almaty qalasy ákiminiń ókimi jáne 2024 jylǵy 17 jeltoqsandaǵy №34-Ó buıryǵy negizinde ótkizilip, qala kolejderi arasyndaǵy dene shynyqtyrý men ulttyq sportty damytýǵa baǵyttaldy.
Jarystyń ashylý saltanaty erekshe rýhty atmosferada ótti. Saltanat aıasynda sóz sóılegen Almaty sán jáne qyzmet kórsetý salasy kolejiniń dırektory Djýnısalıev Janbolat Smanuly sporttyń adam ómirindegi róline toqtalyp, qazaq kúresiniń – ulttyq rýh pen batyrlyqtyń sımvoly ekenin atap ótti. Ol ustazdardyń tek bilim berip qana qoımaı, jas urpaqqa úlgi bolar densaýlyq pen erik-jiger ıesi ekenin aıryqsha atap ótip, týrnırge qatysýshylarǵa tek jeńis emes, tatýlyq pen dostyq tiledi.
Týrnırge qalamyzdyń birqatar kolejderiniń eń myqty, eń bilekti ustazdary jınalyp, palýandyq ónerin kórsetip, sporttyq sheberlikterin pash etti. Beldesýler eki salmaq dárejesi boıynsha ótti:
80 kelige deıin
80 keliden joǵary (Túıe palýan)
Sporttyq tartys qyzý ótti. Ár beldesýdiń óz taktıkasy, óz kúresi boldy. Palýandardyń qaısarlyǵy men tózimdiligi kórermenderdi tánti etti. Trıbýnalarda áriptester men stýdentter ustazdaryna erekshe qoldaý kórsetip, zaldy jigerli uranǵa bóledi.
Jarys «Qazaq kuresi» asosıasıasy bekitken erejelerge sáıkes uıymdastyryldy. Tóreshilik mindet Almaty qalasy qazaq kúresi federasıasynyń halyqaralyq deńgeıde tájirıbesi bar mamandaryna júkteldi.
Bas tóreshi: Qapbarov Azız
Bas hatshy: Belgibaev Erjan
Jeńimpazdar arnaıy daıyndalǵan kýboktar men medaldarǵa ıe bolyp qana qoımaı, áleýmettik seriktester men demeýshilerdiń qoldaýymen aqshalaı syılyqtarmen marapattaldy:
I oryn – 100 000 teńge
II oryn – 70 000 teńge
III oryn – 50 000 teńge
Týrnır barysynda ustazdar qaýymy ózara tájirıbe almasyp, sport mádenıetin ilgeriletý jóninde pikir bólisti. Ulttyq sporttyń mártebesin arttyryp, ustazdar arasynda sporttyq dostastyqty nyǵaıtatyn mundaı jarystardyń jalǵasy bolatynyna senim bildirildi.
Bul týrnır — tek jarys emes, ustazdar bedelin, dene tárbıesiniń mańyzyn, ulttyq bolmysymyzdy salmaqtaıtyn máni zor shara boldy.
Materıaldyń avtory:
Almaty sán jáne qyzmet kórsetý salasy kolej
Dırektorynyń tárbıe isi jónindegi orynbasaryOmarova Kúnimaı Nurlybaıqyzy