Respýblıka kúni «Human Rights Lawyers» qoǵamdyq qory Almaty qalasy boıynsha Qylmystyq-atqarý júıesi departamentine qarasty №11 mekemesine arnaıy kelip, kámeletke tolmaǵan jazasyn óteýshi jasóspirimderdi merekemen quttyqtady.
Mereke qurmetine uıymdastyrylǵan sýret baıqaýyna qatysqan balalarǵa arnaıy syılyqtar tartý etildi. Olarǵa arnap merekelik dastarhan jaıyldy.
Sonymen qatar, qoǵamdyq qor demeýshileriniń, volonterlardyń qoldaýymen jazasyn óteýshi jasópirimderge psıhologıalyq keńes berildi.
– Atalǵan is-shara «One Stop Service Bir qadam» jobasy sheńberinde QR Prezıdenti janyndaǵy Áıelder isi jáne otbasylyq-demografıalyq saıasat boıynsha Ulttyq komısıasynyń, Aqparat jáne mádenıet mınıstrligi «Azamattyq bastamalardy qoldaý ortalyǵynyń» qoldaýymen iske asyryldy. Maqsat – jastardyń quqyǵyn qorǵaý jáne halyq arasynda quqyqtyq saýattylyq deńgeıin arttyrý, – deıdi №11 mekeme bastyǵy ádilet podpolkovnıgi Marat Mahambetov.