Energetıka mınıstri Erlan Aqkenjenov Úkimet otyrysynda elimizdiń otyn-energetıka keshenin (OEK) sıfrlandyrý barysy týraly baıandady.
Ol qazirgi ýaqytta «Otyn-energetıka keshenin biryńǵaı memlekettik basqarý júıesi» (EnergyTech) atty salalyq platformasyn júzege asyrý boıynsha jumystar júrýde ekenin atap ótti.
«EnergyTech platformasy otyn-energetıka kesheniniń barlyq salasyn bir platforma bazasyna biriktiredi. Ol energetıka sektory, ken paıdalaný jáne qaıta óńdeýden bastap kómir ónerkásibine deıingi OEK-tiń 10 negizgi baǵyty boıynsha basqarý prosesterin keshendi úılestirýdi qamtamasyz etedi. Júıeni tolyq kólemde jasap shyǵaryp, ónerkásiptik deńgeıde qoldanysqa engizý 2026–2027 jyldarǵa josparlanýda», dep naqtylady Erlan Aqkenjenov.
Mınıstr bıyl 7 sıfrlyq servıs paıdalanýǵa berilgenin, onyń ishinde 2 servıs energetıka sektorynda júzege asyrylǵanyn aıtty. Olar:
Kúzgi-qysqy kezeńge daıyndyq pen onyń ótý barysyn monıtorıńteýge arnalǵan sıfrlyq servıs;
Shekti tarıfti bekitýge arnalǵan sıfrlyq servıs.