2025 jyly 30 qazan kúní saǵat 18:00-de Amsterdam qalasyndaǵy (Nıderland Koroldígí) Túrík mádenıetí ortalyǵynda Almaty qalasy muzeıler bírlestígíníń «Dástúr jalǵastyǵy: babalar amanaty» atty kórmesí ashylady. Ís-shara Almaty qalasy ákímdígíníń qoldauymen jáne Qazaqstan Respublıkasynyń Nıderland Koroldígíndegí Elshílígímen bírlese ūıymdastyrylyp otyr.
Kórmeníń negízgí maqsaty – Qazaqstan men Nıderland Koroldígí arasyndaǵy mádenı baılanysty nyǵaıtu, sondaı-aq Ūly Dala halqynyń baı tarıhyn, kóshpelí órkenıettíń mádenıetín, qazaq halqynyń dástúrlí tūrmysyn, fılosofıyasy men dúnıetanymyn keńínen tanystyru.
Ekspozıtsıyada Almaty qalasy muzeıler bírlestígíníń qorynan alynǵan 70-ten astam bíregeı jádíger ūsynylady. Olardyń arasynda qazaq halqynyń tūrmys-tírshílígí men qoldanbaly ónerín beıneleıtín etnografıyalyq būıymdar, tarıhı fotosuretter jáne qazaq pen túrkí halyqtarynyń muzykalyq aspaptary bar.
Qazaqstan Respublıkasy men Nıderland Koroldígí arasyndaǵy dıplomatıyalyq qatynas 1992 jyly 10 qyrkúıekte ornatylǵan. Amsterdamdaǵy Túrík mádenıetí ortalyǵy – túrkí mádenıetí men ónerín álemge keńínen tanytudy maqsat etken bedeldí ūıym.
Almaty qalasy muzeıler bírlestígíne qarasty Almaty qalasy tarıhy muzeıí – elímízdíń mádenı jáne qoǵamdyq ómíríne belsendí úles qosyp kele jatqan zamanauı mádenı mekemelerdíń bírí. Sońǵy jyldary bírlestík halyqaralyq seríktestík baǵytynda aıtarlyqtaı tabysqa qol jetkízdí.
Muzeı qorlaryndaǵy erekshe toptamalar būǵan deıín Seul (Koreya Respublıkasy), Ystambūl (Túrkıya), Neapol (Italıya), Vena (Avstrıya), Praga (Chehıya), Kartsag (Vengrıya) jáne Belgrad (Serbıya) qalalarynda tanystyryldy.
2025 jyly mausym aıynda Parıj qalasynda (Frantsıya), YuNESKO shtab-páterínde ótken kórme ūly kompozıtor, dırıjer jáne kúıshí Nūrǵısa Tílendıevtíń 100 jyldyǵyna arnaldy.
«Dástúr jalǵastyǵy: babalar amanaty» kórmesí – Ūly Dala mádenı mūrasyn Europa halqyna tanytatyn, qazaq ruhanıyaty men tarıhynyń tereń tamyryn pash etetín mańyzdy mádenı oqıǵa bolmaq.