Qazaqstanda kómirden alynatyn qýat kózin taza kómir tehnologıasy bazasynda damytý kózdelip otyr
Energetıka mınıstri Erlan Aqkenjenov Úkimet otyrysynda Memleket basshysynyń kómirden alynatyn qýat kózin taza kómir tehnologıasy bazasynda damytý jónindegi tapsyrmasyna sáıkes atqarylyp jatqan jumystardyń barysy týraly baıandady.
Ol mınıstrlik tarapynan qorshaǵan ortaǵa áserdi barynsha azaıtýdy kózdeıtin ekologıalyq talaptar men normalarǵa saı keletin birqatar iri jobany, sonyń ishinde manevrlik rejımde jumys isteýge múmkindik beretin jobalardy júzege asyrý josparlanyp otyrǵanyn atap ótti.
Endigisi Ekibastuz GRES-3-tiń (2 640 MVt) qurylysyn salý úshin ınvestordy aıqyndaý boıynsha tender ótkizildi jáne Kýrchatov qalasynda JES (700 MVt) salý úshin tender jarıalaý josparlanýda.
«Tikeleı sharttar sheńberinde mınıstrlik "Samuryq-Energo" AQ kompanıasymen birlesip Kókshetaý, Semeı, Óskemen qalalarynda jylý elektr ortalyqtaryn salý jobalaryn júzege asyrýda, onda tútin gazdaryn súzýdiń ozyq júıeleri, aýyr metaldardy tutyp qalý tehnologıalary qoldanylatyn bolady», dep atap ótti Erlan Aqkenjenov.