Bul týraly «Arnaýly jáne ınklúzıvti bilim berýdi damytý ulttyq ǵylymı-tájirıbelik ortalyǵy» RMK basshysy Áıgerim Kúderınova aıtty.
Elimizde arnaýly jaǵdaı jasaýdy talap etetin múmkindigi shekteýli balalardyń sany 170 myńnan asady dep habarlaıdy Almaty-akshamy.kz
«Búgingi tańda erekshe bilim berýdi qajet etetin balalardyń arasynda arnaýly jaǵdaı jasaýdy talap etetin múmkindigi shekteýli balalardyń sany 170 myńnan asady. Onyń ishinde erte jastaǵy balanyń sany 7 myńnan astam, mektepke deıingi balalardyń sany 54 myńnan astam, mektep jasyndaǵy balalardyń sany 97 myńnan astam jáne jasóspirimder sany 14 990 eken. Onyń ishinde bilim jáne tárbıemen qamtylǵan 113 994 bala bar. Bul rette ınklúzıvti bilim berýmen 2 ese bala qamtylǵanyn atap ótý kerek», - dedi ortalyq basshysy.
Onyń dereginshe, 14 myńnan astam bala jalpy balabaqshalarmen, 9 799 bala arnaýly balabaqshalarmen jáne arnaýly toptarmen qamtylǵan.
«Jalpy bilim beretin mektepterde 44 myńnan astam bala oqıdy. Arnaýly mektepter men arnaýly synyptarda 24 myńnan astam bala bilim alady. Sonymen qatar kolejderde 2 100 stýdent oqyp jatyr. Al úıde oqıtyn balalardyń sany – 18 327», - dedi Áıgerim Kúderınova.