2025 jyly qurylys jáne jóndeý jumystarymen barlyq sanattaǵy 13 myń shaqyrymǵa jýyq avtojoldar qamtyldy, onyń ishinde:
2,2 myń shaqyrym respýblıkalyq mańyzy bar joldardy salý jáne rekonstrýksıalaý;
6,6 myń shaqyrym respýblıkalyq jelini kúrdeli jáne ortasha jóndeý;
4,1 myń shaqyrym jergilikti joldardy jańartý jumystary bar.
Jyl sońyna deıin 6,1 myń shaqyrymdyq jol jumystaryn aıaqtaý josparlanýda. Olar – qurylys jáne rekonstrýksıalaý (847 shaqyrym), kúrdeli jáne ortasha jóndeý (2,2 myń shaqyrym) jáne jergilikti mańyzy bar joldardy (3,1 myń shaqyrym) jóndeý jumystary.
Búdjet shyǵystarynyń tıimdiligin arttyrý úshin jalpy uzyndyǵy 2 myń shaqyrym bolatyn jańa 10 jol ýchaskesinde aqyly jol engizildi. Nátıjesinde aqyly kúre joldardyń jalpy uzyndyǵy 3,2 myń shaqyrymnan 5,2 myń shaqyrymǵa deıin ulǵaıdy.