Energetıka mınıstrligi 2029 jylǵa deıin elimizdiń energetıka júıesinde jańadan 6,7 GVt qýat kózderin iske qosýǵa múmkindik beretin 68 jobany júzege asyrýdy josparlap otyr, dep habarlaıdy aqshamnews.kz
Bul týraly Úkimet otyrysynda energetıka mınıstri Erlan Aqkenjenov habarlady.
Ol byltyr 770 MVt-tan astam jańa qýat kózi iske qosylǵanyn, onyń 608 MVt-y dástúrli, al 163 MVt-y jańartylatyn energıa kózderi (JEK) ekenin atap ótti.
Jalpy alǵanda, Energetıka mınıstrligi 2029 jylǵa deıin jańadan 6,7 GVt qýat kózderin iske qosýǵa múmkindik beretin 68 jobany júzege asyrýdy josparlap otyr. Máselen, 2025 jylǵa belgilengen 621 MVt-tyń 166-sy dástúrli energıa kózi, al 9 nysan – JEK.
2027 jyly qýattylyǵy shamamen 1 500 MVt, onyń ishinde 573 MVt-tyq 13 JEK obektisin iske qosý qarastyrylyp otyr.
2028 jyly 2 myń MVt-tan astam qýattylyqty, onyń ishinde 245 MVt 3 jańartylatyn energetıka nysanyn paıdalanýǵa berý kózdelýde.
«Osylaısha, 2029 jyly ekonomıkanyń elektr energıasyna degen qajettiligin tolyq qamtımyz dep kútip otyrmyz, energetıka júıesin profısıtke shyǵarý josparlanýda, bul elimizdiń eksporttyq áleýetin arttyrýǵa da múmkindik beredi», dedi Erlan Aqkenjenov.