Bıyl temir jolmen 10,5 %-ǵa artyq júk tasymaldanǵan

Osy jyldyń toǵyz aıynda temir jol kóligimen júk tasymaldaý kólemi 339,4 mln tonnany qurady, bul 2024 jyldyń sáıkes kezeńimen salystyrǵanda 10,5 %-ǵa artyq, dep habarlaıdy aqshamnews.kz

Memleket basshysynyń tapsyrmasyn oryndaý úshin 2029 jylǵa deıin 11 myń shaqyrym temirjol ýchaskelerin jańartý josparlanýda, onyń ishinde búginde 2,8 myń shaqyrymnan astam jolǵa jańǵyrtý jumystary júrgizildi.

Teńiz kóligimen 2025 jyldyń 9 aıynda 6 mln tonna júk tasymaldandy, bul bir jyl burynǵymen salystyrǵanda 9%-ǵa joǵary. Qazaqstandyq teńiz porttary arqyly konteınerlik tasymaldar úshten birine ulǵaıyp, 67,2 myń JFE-ge jetti.

Maýsym aıynda Aqtaý portynda konteınerlik habtyń birinshi iske qosý kesheni paıdalanýǵa berildi, joba jyl sońyna deıin porttyń ótkizý qabiletin 240 myń JFE-ge deıin arttyrýǵa múmkindik beredi.

2025 jyldyń mańyzdy oqıǵalaryna mynalar jatady:

 «Dostyq – Moıynty» temirjolynyń ekinshi jelisi iske qosyldy (836 shaqyrym);
 «Qyzyljar – Moıynty» jańa temirjol jelisiniń qurylysy bastaldy (323 shaqyrym);
 775 lokomotıv pen 2,7 myń jaıdaq vagon jetkizip berý kelisimsharttaryna qol qoıyldy;
 Búkil elimiz boıynsha 124 vokzalǵa jańǵyrtý jumystary júrýde;
 Quryq–Baký baǵytynda qurǵaq júk tasıtyn 1 keme qatynaı bastady, taǵy 2 parom keledi dep kútilýde.