Elimizden 144 halyqaralyq baǵyt boıynsha aptasyna 842 reıs qatynaıdy

Qazaqstannyń avıakompanıalarynyń áýe kemeleri parki 105 birlikti quraıdy, onyń ishinde 8-i bıyl paıdalanýǵa berilgen jańa ushaqtar. Búgingi tańda 31 elmen 144 halyqaralyq baǵyt boıynsha aptasyna 842 reıs jasalady.

 Salada iri ınfraqurylymdyq jáne ınvestısıalyq jobalar júzege asýda. Olar:
 Arqalyq áýejaıy qalpyna keltirilip jatyr;
 Almaty qalasy áýejaıyn damytýdyń bas jospary jáne $362 mln somasyndaǵy «TAV Airport Holding» ınvestısıalyq baǵdarlamasy tanystyryldy;
 Astana qalasy áýejaıyn damytý boıynsha jalpy somasy 547 mlrd teńgege ınvestısıalar týraly kelisim jasaldy;
 «Qorǵas - Shyǵys qaqpasy» AEA-da júk-jolaýshylar áýejaıyn salý boıynsha jalpy somasy 250 mlrd teńgege ınvestısıalar týraly kelisim jasaldy;
Qazaqstan Respýblıkasynyń azamattyq pılotsyz avıasıasyn damytýdyń 2025-2031 jyldarǵa arnalǵan tujyrymdamasy qabyldandy.

İshki naryqqa jańa avıatasymaldaýshylar kirdi. Býdapesht, Shanhaı, Seýl, Gýanchjoý, Múnhen sıaqty jáne taǵy da basqa iri qalalarǵa reısterdi qosa alǵanda, 35-ten astam jańa marshrýttar ashyldy;