Túrkıanyń densaýlyq saqtaý mınıstri Kemal Memıshoǵly H jelisindegi paraqshasynda eldiń batys aımaǵynda bolǵan jer silkinisinen qansha adam zardap shekkenin aıtty, dep habarlaıdy aqshamnews.kz
Memıshoǵlynyń aıtýynsha, tótenshe jaǵdaı saldarynan qaza tapqandar joq.
Túrkıa Densaýlyq saqtaý mınıstrliginiń málimetinshe, jer silkinisi saldarynan barlyǵy 19 adam zardap shekken. Olar dúmpý kezinde qulaý nemese terezeden sekirý saldarynan jaraqat aldy. Zardap shekkenderdiń tórteýi búginde aýrýhanadan úıine jiberildi.
"Barlyq zardap shekken azamattyń jaǵdaıy jaqsy jáne aýrýhanalarymyzda em alýyn jalǵastyryp jatyr. Olardyń tezirek saýyǵyp ketýine tilektespin", - dep qorytyndylady densaýlyq saqtaý mınıstri.
Eske salsaq, Túrkıanyń batysynda sońǵy 48 saǵat ishinde eki joıqyn jer silkinisi boldy. Sońǵy jer silkinisi saldarynan birneshe ǵımarat qırady.