Bıyl úıirli shegirtkeler 997,2 myń gektar jerge taralǵan.
Qazaqstan Úkimeti ústimizdegi jyly shegirtkemen júrgiziletin kúreske qansha qarajat jumsalatynyn aıtty, dep habarlaıdy Almaty-akshamy.kz.
Aýyl sharýashylyǵy mınıstrligi Agroónerkásiptik keshendegi memlekettik ınspeksıa komıtetiniń tóraǵasy Almabek Marstyń aıtýynsha,elimizde shegirtkelermen kúres jumystary qarqyndy júrgizilip jatyr.
«Respýblıka aýmaǵynda erekshe qaýipti organızmniń 12 túri, zıandy organızmderdiń 5 túri, karantındik obektilerdiń 14 túri taralǵan. Shegirtkelermen kúresýge erekshe kóńil bólinedi. Bıyl úıirli shegirtkeler 997,2 myń gektar jerge taralǵan. Onyń ishinde ıtalándyq prýs 760,6 myń gektar, azıalyq shegirtkeler 201,0 myń gektar jáne marokko shegirtkeleri 35,5 myń gektar jerden anyqtaldy. Sonymen qatar saıaq shegirtke zıankesteri 270,0 myń gektar jerden baıqaldy», - dep atap ótti vedomstvo basshysy.
Sonymen qatar ol zıankesterge qarsy qazynadan qansha qarajat bólingenin aıtty.
«Jalpy, shegirtkelerge qarsy kúreske respýblıkalyq jáne jergilikti búdjetterden 2,5 mlrd teńge bólindi. Qarjy quraldary pestısıdter men hımıalyq óńdeý boıynsha qyzmetterdi barlyq boljanǵan alańǵa satyp alýǵa múmkindik berdi. Úıirli shegirtkelerge qarsy tıimdi óńdeý júrgizý úshin pestısıdterdiń ártúrli toptaryndaǵy preparattary satyp alyndy. Oblys ákimdikterimen birlesip, óńirlerde oblys ákimderiniń orynbasarlary basqaratyn jedel shtabtar quryldy jáne monıtorıńpen hımıalyq óńdeý jumystardy uıymdastyrý jumys josparlary bekitildi», - dedi komıtet tóraǵasy.