Qazaqstan aýmaǵy arqyly tranzıttik tasymaldar kólemi 25,81 mln tonnaǵa jetti, dep habarlaıdy aqshamnews.kz
Memleket basshysy Qasym-Jomart Toqaevtyń kólik ınfraqurylymyn jańǵyrtý jáne elimizdiń tranzıttik áleýetin damytý jónindegi tapsyrmalaryn júzege asyrý sheńberinde logıstıka júıesiniń tıimdiligin arttyrýǵa, óńirlerdegi kólik baılanysyn jaqsartýǵa jáne ornyqty ekonomıkalyq ósim úshin jaǵdaı jasaýǵa baǵyttalǵan sharalar kesheni júzege asyrylýda.
2025 jyldyń segiz aıynda Qazaqstan aýmaǵy arqyly tranzıttik tasymaldar kólemi 25,81 mln tonnaǵa jetti, bul ótken jyldyń sáıkes kezeńindegi kórsetkishten 3,2%-ǵa artyq. Turaqty ósim elimizdiń tranzıttik áleýetin nyǵaıtý jáne halyqaralyq kólik dálizderiniń negizgi baǵyttaryn damytý boıynsha qabyldanyp jatqan sharalardyń tıimdiligin kórsetedi.