Megapolıs ákimi Baqytjan Saǵyntaev Memleket basshysynyń buqaralyq sportty damytý jónindegi tapsyrmasynyń oryndalýy týraly aıtty
Almaty ákimi B. Saǵyntaev óziniń Instagram-daǵy paraqshasynda balalardyń dene shynyqtyrý men buqaralyq sportqa belsendi túrde qatysatynyn habarlady, dep habarlaıdy Almaty-akshamy.kz.
«Ol úshin jalpyqalalyq sport ınfraqurylymynan bólek mektep janyndaǵy sport aımaǵynyń áleýetin damytamyz. Ótken 2020-2021 jj. oqý jylynda MJÁ aıasynda mektep janyndaǵy 4 sport alańy jańǵyrtyldy. Bıyl jyl sońyna deıin 61 mekteptiń janyndaǵy sport nysanyn jańǵyrtýdy aıaqtaımyz. Onda 73 fýtbol, 63 voleıbol men basketbol alańy, sondaı-aq vorkaýt-aımaqtar men júgirý joldary bar», - dep jazdy B. Saǵyntaev. Sonymen qatar ol Memleket basshysynyń buqaralyq sportty damytý týraly tapsyrmasyn iske asyrý jalǵasa beretin atap ótti.
Buryn habarlanǵanyndaı, Almatyda jańa oqý jylynda mektepterge 301 171 oqýshy bardy. Memlekettik mektepterde 280 458 balalar men jasóspirimder oqýda, al jekemenshik mektepterdegi oqýshy sany – 20 713. Memlekettik mektepterde birinshi synyp oqýshylarynyń sany 3 myńǵa jýyq ósti. Birinshi synyptarda 30 751 oqýshy bilim alýda.