Almatyda bilim berý mekemelerinde oqýshy oryndarynyń tapshylyǵyn qysqartý maqsatynda mektepter men qosalqy nysandar salý, sondaı-aq bilim berý obektilerin kúrdeli jóndeý jalǵasýda, dep habarlaıdy almaty-akshamy.kz
Qala qurylysy basqarmasynyń habarlaýynsha, Jetisý aýdanynda №103 mektep - gımnazıa janynan 200 oryndy qosalqy nysan salynýda. Qajetti jabdyqtary bar oqýshy synyptarynan basqa, jobada asqana jáne aýmaqty qosymsha kógaldandyrý qarastyrylǵan. Jumystar jańa oqý jyly bastalǵanǵa deıin aıaqtalady.
Osy aýdanda №112 jalpy bilim beretin mektep janynan 300 oqýshyǵa arnalǵan ári sport zaly, asqanasy bar qosalqy nysan slaynýda. Nysandy aǵymdaǵy jyldyń sońyna deıin aıaqtaý josparlanýda.
Túrksib aýdanynda 650 oryndy qosalqy nysany bar №59 mektep-gımnazıa rekonstrýksıalanýda. Jobada asqana, garderobtar, 180 oryndyq aýdıtorıa, oqý sheberhanalary, mýltımedıalyq kabınetter jáne sport zaly qarastyrylǵan. Jumystyń aıaqtalý merzimi-aǵymdaǵy jyldyń mamyr aıy.
Sondaı-aq, Túrksib aýdanyndaǵy "Álmerek"sh/a №195 mektep ǵımaraty janynan 450 oryndy qosalqy nysannyń qurylysy bastaldy. Jobada mýltımedıalyq kabınetter,sport jáne asqana zaldary, sondaı-aq aýmaqty qosymsha kógaldandyrý kózdelgen. Nysandy 2025 jyldyń aqpan aıynda aıaqtaý josparlanýda.
Naýryzbaı aýdanynyń «Shuǵyla» sh-a № 174 mektep ǵımaraty janynan 375 oryndyq qosaldqy nysan salynýda. Jobada mýltımedıalyq kabınetter, sport zaly, asqana jáne basqa da qajetti jabdyqtar qarastyrylǵan. Jumystardy 2025 jyldyń aqpan aıynda aıaqtaý josparlanýda.
«Árbir qosalqy nysan - is júzinde jańa mektep. Qurylys kezinde zamanaýı materıaldar qoldanylady. Jumys sapasyn baqylaýǵa erekshe nazar aýdarylady. Sondaı aq qalada №136, №138, №70, №10, №9 №155» seısmıkalyq kúsheıtý jáne mektepterdi kúrdeli jóndeý jumystary júrgizilýde, - dep atap ótti basqarmada.
Budan basqa, aǵymdaǵy jyldyń sońyna deıin Alataý aýdanynda eki mekteptiń qurylysy aıaqtalady. Birinshisi-550 oryndyq «Saıaly – 2» shaǵynaýdanynda, ekinshisi-Zerdeli shaǵynaýdanynda da 550 oryndyq.