Jańa Qazaqstandy aýyldy jańǵyrtýdy bastaıyq
Qazaqstan fermerleri qaýymdastyǵynyń basqarma tóraǵasy Jıgýlı Daırabaev keler 2023 jyldy «Aýyl jyly» ataýdy usyndy dep habarlaıdy Almaty-akshamy.kz Baq.kz-ke silteme jasap.
Onyń aıtýynsha, bul ataý buǵan deıin 2003 jyly usynylyǵan.
«Buryn «keleshegi joq aýyldar» degen áńgime shyǵyp edi. Menińshe, ol qate úrdis. Ótken aptada Memleket basshysy Qasym- Jomart Toqaev kásipkerlermen kezdesý ótkizdi. Ol kezdesýge men de qatystym. Men Prezıdentke óz usynysymdy aıttym. Biz 2003 jyly «Aýyl jyly» degen jospar qurǵanbyz. Sodan beri keler 2023 jyly 20 jyl tolaıyn dep otyr. Osyǵan oraı fermerlerdiń atynan Qasym-Jomart Kemelulyna usynys jasadym. Múmkindik bolsa 2023 jyldy «Aýyl jyly» dep qaıta bastama kótersek, Jańa Qazaqstandy aýyldy jańǵyrtýdy bastasaq degen oılarymyz bar», - dedi Jıgýlı Daırabaev.
Fermer qaýymdastyǵynyń sózinshe, el boıynsha 200 mln gektar jaıylym jer bar.
«Búginde 22 mln gektardan astam egistik jer egemiz onyń ishinde 2,5 gektar jeri sýarmaly jerler. Degenmen, azyq-túliktiń kóbin syrttan alyp kelip otyrmyz. Bárin jaman dep aıtýdan aýlaqpyz. Sonda da aýyl sharýashylyǵynda az-kem kemshilikter bar. Alaıda, aýyl sharýashylyǵyn damytýda bizde potensıal óte joǵary ekenin aıtqym keledi», - dedi ol.
Sonymen qatar Daırabaev keler aıdaǵy referendýmǵa bárimiz bir kisdeı at salysyp, birligimizdi kórsetýimiz kerek ekenin atap ótti.
Buǵan deıin Jıgýlı Daırabaev referendýmnyń mańyzyn ár qazaqstandyq jete túsinýi qajet ekenin aıtqan edi.