Ata-analar mektep formasyn óz qalaýy boıynsha tańdaıdy.
Almatylyq oqýshylar qoıý kók tústi forma kıedi. Bul týraly brıfıń barysynda qalalyq Bilim basqarmasynyń basshysy Lázzat Jylqybaeva aıtty, dep habarlaıdy Almaty-akshamy.kz QazAqparatqa silteme jasap.
«Bilim jáne ǵylym mınıstriniń buıryǵyna sáıkes, biryńǵaı mektep formasy 2016 jyly bekitilgen bolatyn. Pandemıa kezinde oqýshylarǵa erkin kıinýge ruqsat berdik. Jańa oqý jylynan bastap mektep formasyn kıedi, ıaǵnı qoıý kók tústi forma», - dedi spıker.
Sonymen qatar ol ata-analar mektep formasyn óz qalaýy boıynsha tańdaıtynyn atap ótti.
«Mektep formasyn ata-ana ózi tańdaıdy. Aıaq kıimge keler bolsaq, klasıkalyq týflı kıýge mindettemeımiz. Bala ózine yńǵaılysyn kıedi», - dedi Lázzat Jylqybaeva.