Bul týraly Almaty qalasynyń ákimi E.Dosaev Memleket basshysynyń qatysýymen ótken Úkimettiń keńeıtilgen otyrysynda aıtty, dep habarlaıdy Almaty-akshamy.kz.
Densaýlyq saqtaý júıesin jaqsartý sheńberinde 2022 jyly medısınalyq uıymdar 16,4 mlrd. teńgege jabdyqtaldy, 4 bastapqy medısınalyq-sanıtarlyq kómek nysany aıaqtalyp keledi, sondaı-aq 7 nysannyń jobalaý qujattamasy ázirlendi.
"Sizdiń Almaty qalasynyń halqymen kezdesý barysynda bergen tapsyrmańyz boıynsha 2023 jyly 10 kópsalaly aýrýhanany jańǵyrtý jobalaryn daıyndaý, 4 otbasylyq-dárigerlik ambýlatorıa salý, sondaı-aq 6 jańa emhana men 3 otbasylyq-dárigerlik ambýlatorıany jobalaý josparlanýda. Bul nysandar Almaty qalasynda bastapqy medısınalyq-sanıtarlyq kómek kórsetýdiń ázirlenip jatqan biryńǵaı standartyn eskere otyryp, iske asyrylatyn bolady", - dedi qala ákimi..
Jalpy, medısınalyq qyzmetterdiń qoljetimdiligi men sapasyn arttyrýǵa 2023 jyly 31,5 mlrd teńge qarastyrylǵan.