Biz bilim berý salasyna erekshe kóńil bólemiz - E.Dosaev.
Bul týraly Almaty qalasynyń ákimi E.Dosaev Úkimettiń keńeıtilgen otyrysynda aıtty, dep habarlaıdy Almaty-akshamy.kz.
«Osy jyldyń 1 jeltoqsanynda Almatyda 13,5 myń oqýshy ornyna arnalǵan 16 mektep pen qosymsha qurylys paıdalanýǵa berildi, jyl sońyna deıin 4 570 oryndyq taǵy 5 nysandy paıdalanýǵa beriledi (3 mektep, 2 qosymsha qurylys)», - dedi Almaty ákimi E.Dosaev.
«Jaıly mektep» ulttyq jobasyn iske asyrý sheńberinde oqýshy oryndarynyń «sozylmaly» tapshylyǵyn joıý úshin Almatyda 37 100 oqýshyǵa ornyna arnalǵan 22 mekteptiń qurylysy bastalady (53 mlrd.teńge).
Jer ýchaskelerin satyp alý jáne ınfraqurylymǵa qosý úshin 11 mlrd. teńge qajetti qarajat qalanyń 2023-2025 jyldarǵa bekitilgen búdjetinde kózdelgen.
«1000 mektep» jobasy boıynsha 2023-2025 jyldary jergilikti búdjet esebinen 27 150 oryndyq 36 mektep paıdalanýǵa beriledi. Bul 2025 jyldyń sońyna deıin oqýshy oryndarynyń tapshylyǵyn «basqarylatyn» deńgeıge deıin tómendetýge múmkindik beredi (3000-4000 oryn).
2023 jyly 29 mektepten 7 700-den astam (7 722) balany qamtı otyryp, «Mektep avtobýsy» pılottyq jobasy iske qosylady.
Jańa oqý jylynan bastap 1-4 synyp oqýshylaryn, sondaı-aq halyqtyń áleýmettik osal toby sanatyndaǵy balalardy tegin ystyq tamaqpen qamtamasyz etý jobasyn bastadyq. Jalpy oqýshy sanynyń 45%-y, ıaǵnı 133 myń bala qamtyldy (2022 j. - 7,1 mlrd. teńge, 2023 j. – 800 teńgege deıin baǵanyń ósýin eskere otyryp - 20,4 mlrd. teńge).
«Sizdiń tapsyrmańyzdy oryndaý úshin 2023 jyly megapolıstiń barlyq 212 mektebinde «dabyl túımeleri», ótkizý júıesimen jáne beınekameralarmen jabdyqtalǵan keshendi qaýipsizdik júıesi engiziletin bolady (3 jylǵa - 5 mlrd. teńge)», - dedi E.Dosaev.