Kereı-Jánibek handar kóshesindegi kólik qozǵalysy jóndeý jumystaryna baılanysty ýaqytsha shekteledi.
6 qyrkúıekten 10 qyrkúıekke deıin túngi ýaqytta saǵat 23:00-den 6:00-ge deıin qozǵalys «Ekobeket» aıaldamasynan Beıseýov kóshesine deıingi aýmaqta jabylady, dep habarlaıdy aqshamnews.kz.
Jedel medısınalyq járdem kólikteri men basqa da shuǵyl qyzmetter jóndeý jumystary kezinde kez kelgen shekteýden emin-erkin kedergisiz júre alady.
Aıta ketý kerek, uzyndyǵy 2 km ýchaske – jóndeýge josparlanǵan 6 km kósheniń sońǵy bóligi.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.