Prezıdentimiz Qasym-Jomart Toqaev 2024 jyldyń 2 qyrkúıeginde Qazaqstan halqyna joldaýyn jarıalaǵan bolatyn.
Joldaý barysynda memleket basshysy atom elektr stansıasynyń qurylysy boıynsha referendým ótkizýdi 6 qazanǵa belgiledi.
Biz birneshe uıymnyń jarıalanǵan málimdemelerine toqtaldyq. Aıtylǵan málimdemelerdi taldap kóreıik.
Almaty metal qurylymdary zaýytynyń eńbek ujymy atom elektr stansıasynyń qurylysy qazaqstandyq óndiristik kásiporyndarǵa paıda ákeletinine basa nazar aýdarady. Atap aıtqanda, zaýyt jumysshylary óndiris qyzmetkerlerine birneshe jyl buryn tapsyrys kólemin qamtamasyz etý úshin operator atom elektr stansıalaryn qurylys satysynda da, onyń jumys isteýi kezinde de qajetti qurylys materıaldarymen qamtamasyz etýi qajet ekenine nazar aýdarýdy. Bul rette AKQZ qurylysty óziniń metal ónimderimen qamtamasyz etýge daıyn ekenin habarlady.
Al, Qazaqstan ofıserler odaǵynyń músheleriniń aıtýynsha AES elimizdiń strategıalyq damýyna oń áser etedi. Óıtkeni jańa táýelsiz energıa kóziniń ashylýy energetıkalyq qaýipsizdikti nyǵaıtýǵa múmkindik beredi. Olardyń aıtýynsha, óndiristiń onyń ishinde qorǵanys ónerkásibiniń qajettilikterin qamtamasyz etý úshin senimdi energıa kózi qajet bolady.
Almaty qalasynyń ardagerler keńesi keıingi urpaqtyń densaýlyǵyna alańdaýshylyq bildirip otyr. Birinshiden, elektr energıasynyń 70%-y kómir ónerkásibi esebinen óndiriletinine nazar aýdaryp, onyń shyǵaryndylary ekologıaǵa zıan keltiredi. Sonyń ishinde Almatydaǵy ekologıalyq jaǵdaıǵa destrýktıvti áser etedi. Ekinshiden, mamandar bolashaqta energıa tapshylyǵyn boljaýda. Sol úshin de turaqty energıa kózi qajet ekenin alǵa tartyp otyr.
Almaty qalasynyń Azamattyq alánsy sarapshylarǵa silteme jasaı otyryp, atom elektr stansıasynyń qajet ekenin alǵa tartýda. Sebebi biz salmasaq ony kórshi elder salady, al Qazaqstan olardan energıa kózderin satyp alýǵa májbúr bolady.
Aýǵanstandaǵy soǵys ardagerleriniń úılestirý keńesiniń aıtýynsha qazir tehnologıa qarqyndy damyp jáne atom elektr stansıasy ekonomıkamyzdyń órkendeýi men balalarymyzdyń bolashaǵy úshin qajet bolatynyna nazar aýdarady.
Osylaısha, jurtshylyqtyń mundaı reaksıasy atom elektr stansıasynyń Qazaqstannyń strategıalyq qajettilikterin qanaǵattandyratyn praktıkalyq kerektigi ekenin kórsetedi. Elimizdiń aýmaǵynda atom elektr stansıalary salynady ma, ol halyqtyń erik-jigeriniń kórinisi bolatyn jalpy respýblıkalyq referendýmnyń nátıjesin kórsetedi.
Esterińizge sala keteıik, 6 qazanda qazaqstandyqtardan: «Siz Qazaqstandaǵy atom elektr stansıasynyń qurylysyna kelisesiz be?» degen suraq qoıylady. Al siz óz kezegińizde «IA» nemese «JOQ» dep jaýap bere alasyz.